हरि आचार्य कपिलवस्तु, बैशाख ६
प्रमुख प्रतिपक्ष दल नेपाली कांग्रेसको भातृ संगठन नेपाल विद्यार्थी संघ (नेविसंघ) को स्थापना दिवसको अवसरमा नेविसंघ क्षेत्र नं.१ कपिलवस्तु र सिद्धार्थ क्याम्पस इकाई समितिद्धारा राहत स्वरुप खाद्यान्न सामग्री हस्तान्तरण गरिएको छ । विश्व महामारीको रुपमा फैलिएको कोरोना भाईरस (कोभिड १९) को संक्रमण फैलन नदिन सरकारले लकडाउन घोषणा गरेसंगै गरिव, विपन्न तथा असंगठित क्षेत्रमा काम गर्ने मजदुरहरुको अवस्था दयनिय बनेको छ । सोहि घाउमा प्रदेश तथा स्थानिय सरकार भन्दा पहिलेनै घरघरमा पुगी राहत वितरण गरिरहेको नेविसंघले आफ्नो स्थापना दिवसको अवसरमा राहत स्वरुप खाद्यान्न वितरण गरिएको क्षेत्रीय सभापति चन्द्रकान्त पोख्रेलले जानकारी दिएका छन् ।
नेविसंघ४९ वर्ष पूरा गरी ५० औं वर्षमा प्रवेश गरेको अवसरमा लकडाउनको यो विषम परिस्थितीमा छाक टार्न धौ धौ भएका करिब १ सय जना विद्यार्थी र बिपन्न परिवारलाई राहत स्वरुप खाद्यान्न वितरण गरिएको छ । खाद्यान्न सामग्री बिपि स्मृति भवन गजेहडामा एक कार्यक्रमका बिच हस्तान्तरण गरिएको हो ।
राहत उपलब्ध गराउदै
नेपाल विद्यार्थी संघ र सिद्धार्थ क्याम्पस इकाई समितिले कोरोना भाइरस फैलिन जाँदा र सरकारले लकडाउन गर्दा भाडामा बस्ने विद्यार्थी र अति विपन्न परिवारलाई राहत वितरण गरी सह्राहनीय कार्य गरेकोमा नेपाली कांग्रेस केन्द्रिय सदस्य सांसद अतहर कमाल मुसलमानले धन्यवाद दिएका थिए । नगरपालिकाले एकद्धार प्रणलीबाट वितरण गर्न दवाव दिए पनि नेपाली कंग्रेसका विभिन्न भातृ संगठन सक्रीय भएका छन् ।
यस्तै दुःखीहरुको घाउमा मलम लगाउँदै आएको आफूहरुको विगतलाई नै यस लक डाउनको समयमा निरन्तरता दिएको नेपाल तरुण दलका जिल्ला सभापति शक्ति सिंह ठकुरीको भनाई छ । दुःखीको सेवा गर्नु नै नेपाली कंग्रेसको धर्म रहेको ठकुरीले बताए ।
विपन्न, गरिव, मनदुर, विद्यार्थी तथा आगलागी पिडितहरुलाई जाडो, बर्षा, गर्मी नभनि निरन्तर रुपमा नेविसंघ क्षेत्र नं. १ ले उदाहरणिय कार्य गर्दै आएको छ ।
कार्यक्रममा नेपाली कांग्रेस केन्द्रिय सदस्य सांसद अतहर कमाल मुसलमान, नेपाली कंग्रेस महासमिति सदस्य दुर्गा सेन, महाधिवेशन प्रतिनिधि टेकबहादुर शाही, नेपाली कंग्रेस वाणगंगा नगर कार्यवाहक सभापति बिष्णु थापा, तरुण दल जिल्ला सदस्य कृष्ण पराजुली, क्षेत्रीय सभापति तिलक थापाको सहभागिता रहेको थियो ।
नेविसंघका क्षेत्रीय सभापति चन्द्रकान्त पोख्रेल र इकाई सभापति दिनेश क्षेत्रीको विशेष अगुवाईमा खाद्यान्न सामग्री वितरण गरिएको थियो । राहत पाएपछि गरिव परिवारको ओठमा हाँसो छाएको छ ।
