राम प्रघट कोरी, विजयनगर बैशाख ८
कपिलवस्तुको विजयनगर गाउँपालिकाले सोमवार १४ सय ३२ घरपरिवारलाई दोस्रो चरणमा राहत वितरण गरेको छ । गाउँपालिकालले आजै ७ ओटै वडाहरुमा राहत वितरण गरेको गाउँपालिकाका प्रमुख प्रशासकीय अधिकृत गोविन्द भट्टराईले जानकारी दिएका छन् ।
विश्वभरी महामारीको रुपमा फैलिएका कोरोना भाइरस ९कोभिड–१९०को संक्रमणको जोखिम बढ्दै गएको कारण कोरोना महामारीलाई नियन्त्रण तथा रोकथाम गर्न सरकारले लगाएको लकडाउनको चपेटामा परेका गरिब, विपन्न र गरी खाने मजदुर वर्गका घरपरिवारलाई सरकारले तोकेको मापदण्ड अनुसार खाद्यान्न वितरण गरेको भट्टराईले बताए ।
उनले ४ वा सो कम सदस्य भएको घरपरिवारलाई १५ किलो चामल र ५ भन्दा बढी सदस्य भएको घरपरिवारलाई २० किलो चामल, २ किलो दाल, १ लिटर तेल, १ किलो नुन र आधा किलो सोयाविन लगायत खाद्यान्न वितरण गरेको बताए ।
राहत वितरण गर्ने क्रममा कुनै पनि नागरिक राहत पाउनैपर्ने अवस्था देखिएमा घरपरिवार निजलाई उपलब्ध गराउने साथै प्रथम चरणमा राहत पाएका घरपरिवारलाई जसको रासन सिद्धि सकेका अत्यावश्यक घरपरिवारलाई पुनः वितरण गरिएको जानकारी दिए ।
५ भन्दा बढी भएको १ हजार ४३ घरपरिवारमा र सो भन्दा कम भएको ३ सय ८९ घरपरिवार राहत वितरण गरिएको बताए । विभिन्न राजनीतिक दलका प्रतिनिधिहरु, सुरक्षाकर्मी लगायतले राहत वितरण कार्यलाई सहयोग गरेका छन् ।
