लुदअ कपिलवस्तु, वैशाख २३
कपिलवस्तुमा निषेधाज्ञाको उल्लंघन गर्नेहरुलाई प्रहरीले कारबाही गर्न थालेको छ । जिल्लामा बढ्दै गएको कोरोना महामारीको व्यवास्था गर्दै अनावश्यक हिँड्डुलगर्ने र निषेधाज्ञाको पालना नगर्ने व्यक्तीहरुलाई प्रहरीले कारबाही गर्न थालेको हो । संक्रमण फैलिन नदिन तथा नियन्त्ररण गर्न कपिलवस्तुमा बैशाख २१ गते देखि बैशाख ३१ गते सम्म निषेधाज्ञा लागू गरिएको छ । जिल्लाका बिभिन्न स्थानहरुमा निषेधाज्ञा अवज्ञा गर्ने तथा आफू खुशी सवारी साधनमा आवत जावत गर्ने ब्यक्तीहरु र मोटरसाईकल सहित अन्य साधनहरु नियन्त्ररणमा लिई कारबाही गरिएको जिल्ला प्रहरी कार्यालयले जानकारी दिएको छ ।
यस्तै निषेधाज्ञाको तेश्रो दिन जिल्लाका बिभिन्न स्थानहरुमा १ सय १२ मोटरसाईकल, स्कुटर, ९ अटोरिक्सा, १ वीङ्गर, १ स्र्कापिओ र २ वटा साईकल गरी १ सय २५ साधनहरु नियन्त्ररणमा लिईएको जिल्ला प्रहरी कार्यालयका प्रबक्ता धर्मराज भण्डारीले जानकारी दिए । निषेधाज्ञाको अवज्ञा गर्ने ब्यक्तीहरुका सवारी साधनहरु नियन्त्ररणमा लिई कानुन बमोजिम आबश्यक कारबाही गरि बेलुका ७ बजेपछि उनिहरुलाई सम्झाईबुझाई पठाईने गरिएको प्रबक्ता भण्डारीले बताए ।
यसैगरि निषेधाज्ञा जारी भएको दोश्रो दिन निषेधाज्ञाको अवज्ञा गर्नेलाई जिल्लाका बिभिन्न स्थानहरुबाट ९४ मोटरसाईकल, ४ अटोरिक्सा र १ ट्याक्टर गरी ९९ वटा सवारी साधनहरुलाई जिल्ला प्रहरी कार्यालयबाट जिल्लाको बिभिन्न स्थानमा खटिएको टोलिले नियन्त्ररणमा लिई उनिहरुलाई तोकिएको कानुन बमोजिम आबश्यक कार्बाही गरि बेलुका ७ बजे पछि छाडिएको जिल्ला प्रहरी कार्यालय कपिलवस्तुले जानकारी दिएको छ ।
अहोरात्र खटिएर प्रहरीहरु जतिनै लागिपरे पनि भित्रिगाउँहरुमा मास्क नलगाईकन हिड्नेको कमी छैन । जिल्लाका बिभिन्न स्थानहरुमा प्रहरीले तपाइर्को मास्क खोई भन्ने अभियान सञ्चालन गर्नुका साथै मास्क नलगाई हिँड्ने व्यक्तीहरुलाई मास्क समेत दिएर पठाएको छ । प्रहरीले जिल्ला बासीहरुलाई तपाईहरु घरभित्र बसिदिनुस हामी बाहिर खटिएका छौं भन्दा पनि कतिपय ब्यक्तीहरुले निषेधाज्ञाको अवज्ञा गरिरहेको जिल्ला प्रहरी कार्यालयका प्रहरी उपरिक्षक नवराज अधिकारीले बताए ।
तपाईंहरु घरमै बस्नुहोस, हामी हजुरहरुको सुरक्षामा २४ घण्टा बाहिरै छौं । उनले भने । हाल विश्वकै अवस्था जीवन–मरणको संघारमा रहेको र मानवीय जगतको अस्तित्वका लागि केही समय घर भित्रै रहेर साथ र सहयोग गरिदिनु हुन जिल्ला प्रहरी कार्यालय, कपिलवस्तुले अपिल गरेको छ ।
