जेठ २७
जिल्ला प्रशासन कार्यालय रुपन्देहीले सरकारले तोकेको लक्षित समूहभन्दा बाहिरकाले कोरोना भाइरसबिरुद्धको खोप लगाएको भन्ने कुराको सोधीखोजी भइरहेको बताएको छ । प्रमुख जिल्ला अधिकारी अस्मान तामाङले खोप लगाउन खटिएका स्वास्थ्यकर्मीहरु र स्वास्थ्य कार्यालयलाई स्पष्टीकरण सोधिसकिएको बताउनुभयो । उहाँले त्यसरी खोप लगाएकाहरुको बारेमा पनि सोधपुछ गर्ने काम भइरहेको बताए । त्यस्तै प्रशासनले सरकारले तोकेको मापदण्डभन्दा बाहिर गएर खोप लगाउने जो कोहीलाई पनि कारवाही गरिने बताएको छ । कार्यालयका प्रशासकीय अधिकृत तथा सूचना अधिकारी जनक थापाले गैरलक्षित समूहले खोप लगाएको पाइएमा उनीहरुलाइै ऐन बमोजिम कारवाही हुने बताउनुभयो । लक्षित समूहभन्दा बाहिरकाले खोप लगाएको भन्दै विवाद निस्किएपछि तिलोत्तमा नगरपालिका, सिद्धार्थनगर नगरपालिका र ओमसतिया गाउँपालिकालगायत केही पालिकामा विवाद निस्किएपछि खोप कार्यक्रम नै स्थगित भएको थियो । त्यसअगत्तै प्रमुख जिल्ला अधिकारी तामाङले हिजो बुधबार जिल्लाका केही स्थानीय तहमा अनुगमन गर्नुभएको थियो ।

Facebook Comments Box

Leave a Reply

Your email address will not be published. Required fields are marked *