लुदस,कपिलवस्तु ।
बुद्धभुमि नगरपालिका,कपिलवस्तुमा संचालित मुख्यमन्त्री ग्रामिण विकास तथा रोजगार कार्यक्रम अन्र्तगत आज महुवाबाबा माध्यामिक विद्यालय,महुवाका कक्षा ८ मा पढ्ने ३९ जना छात्राहरुका लागी साईकल बितरण गरिएको छ ।
बुद्धभुमि नगरपालिकामा यस बर्ष देखी संचालन भएको मुख्यमन्त्री ग्रामिण विकास तथा रोजगार कार्यक्रमबाट बुद्धभुमि नगरपालिका वडा नं ५,६,७,८ र १० का कक्षा ८ मा अध्ययनरत २४७ जना छात्राहरुका लागी साईकल बितरण गरिने कार्यक्रम रहेको बुद्धभुमि नगरपालिकाका प्रमुख प्रशासकीय अधिकृत अनिल पौडेलले बताउनु भयो ।
आज भएको साईकल बितरण कार्यक्रममा बोल्दै बुद्धभुमि नगरपालिकाका प्रमुख तथा कार्यक्रम सिफारिस समितिका संयोजक केशव कुमार श्रेष्ठले बुद्धभुमि नगरपालिकाको दक्षिणी भेगका बिद्यालयमा अध्ययन गर्ने माध्यामिक तहका छात्राहरुमा बिद्यालय छोड्ने दर बढि भएकाले सो दरलाई न्युनिकरण गर्न तथा माध्यामिक तहको शिक्षा प्रति आकर्षित गर्ने उद्देश्यले छात्राहरुलाई साईकल बितरण गरिएको बताउनुभयो
सो कार्यक्रममा बुद्धभुमि नगरपालिकाका प्रमुख केशव कुमार श्रेष्ठ, उपप्रमुख मिरा थारु, प्रमुख प्रशासकीय अधिकृत अनिल पौडेल, ईञ्जिनियर निकिता त्रिपाठी, शिक्षा शाखा प्रमुख कृष्ण प्रसाद भट्टराई ,कार्यपालिका सदस्य ,योजना शाखा प्रमुख तथा कार्यक्रम फोकल पर्सन नविन खनाल लगायतको उपस्थिती रहेको थियो ।
