लुदस,काठमाडौं ।
कलाकारहरुको साझा संगठन राष्ट्रिय संगीतकर्मी संघको केन्द्रीय कार्य समितिको यही साउन ८ बसेको बैठकले संघको पाँचौ राष्ट्रिय महाधिवेशन आगामी मंसिरको ३ र ४ गते काठमाडौमा गर्ने निर्णय गरेको छ।
यस अघि कोभिड १९ को महामारीमा नेपाल सरकारले जारी गरेको लक डाउनका कारण चैतमा हुने भनिएको महाधिवेशन स्थगित भएको थियो ।
देशका सातै प्रदेश र सबै जिल्लाबाट प्रतिनिधित्व हुने केन्द्रिय महाधिवेशनका लागी जिल्ला र प्रदेश अधिबेशनहरु सम्पन्न भैसकेका छन् । नेपाली कला र संस्कृति गौरबपुर्ण शान कलाकर्मीको उत्थानमा हाम्रो अभियान भन्ने मुल नाराका साथ २०६२ साल मंसिर १६ गते बिधिबत रुपमा दर्ता भएकै दिन मंसिर १६ गते पारेर भएको बैठकले संघका जिल्ला अधिबेशनहरु माघ २५ गते सम्म प्रदेश अधिबेशनहरु फाल्गुन १५ गते सम्म गर्ने निर्णय गरेको थियो सोही अनुरुप अहिले सबै जिल्ला तथा प्रदेशका अधिवेशन सम्पन्न भएको राष्ट्रिय संगीतकर्मी संघका अध्यक्ष राजेन्द कुमार कार्कीले बताएका छन् । साथै संघले महाधिबेशन अगावै आजिबन तथा साधारण सदस्यता बितरण गर्ने एवम् नविकरण निर्णय समेत गरेको अध्यक्ष कार्कीले बताए।
साथै बैठकले प्रदेश तथा जिल्ला कार्यसमितिको समन्वयमा सहज वाताबरण भएका स्थानिय तह तथा प्रदेश सरकार लगायत अन्य निकायसँग समन्वय गरेर मेला तथा साँस्कृतिक कार्यक्रम गर्न समन्वयकारी भुमिका खेल्ने निर्णय गरेको राष्ट्रिय संगीतकर्मी संघका महासचिव विक्रम जंग शाहले बताएका छन् ।
