बर्षा खनाल,अमौली ।
बिहानीको सुनौलो घामसँगै,
झोला बोकी हिँड्छन् सपना लिएर।
कापी, किताब र कलम समाई,
भविष्य कोर्छन् मेहनत गरेर।

विद्यालयको त्यो रमाइलो आँगन,
साथीभाइसँग हाँसो र खेल।
गुरुको ज्ञान अमूल्य दीपझैँ,
अन्धकार हटाउने उज्यालो भेल।

कहिले परीक्षा, कहिले चुनौती,
कहिले असफलता, कहिले जीत।
संघर्षभित्रै सिकाइ लुकेको,
मेहनतले दिलाउँछ सफल प्रीत।

विद्यार्थी जीवन सुनौलो समय,
अनुशासन र सपनाको बाटो।
आजको मिहिनेत भोलिको उज्यालो,
यही हो सफल जीवनको पाटो।