बुटवल , साउन २४
सरकारले घोषणा गरेको राष्ट्रिय मास्क अभियान आजदेखि सुरु भएको छ । नेपाली काँग्रेसले बुटवलको वडा नं। ८ मा मास्क अभियान सञ्चालन गरेको छ । कोरोना महामारीको रोकथाम तथा नियन्त्रणको लागि सरकारले घोषणा गरेको राष्ट्रिय मास्क अभियानलाई सहयोग गर्नको लागि कार्यक्रम गरिएको नेपाली काँग्रेसका वडा सभापति नरबहादुर रजालीले बताए । नेपाली काँग्रेस बुटवल उपमहानगरपालिका वडा नं। ८ वडा समितिले उक्त वडामा मास्क अभियान सञ्चालन गरेको हो ।
वडामा सञ्चालन गरिएको साताव्यापी मास्क अभियानको शुभारम्भ गर्दै नेपाली काँग्रेस बुटवल नगर समितिका उपसभापति बिमलराज भट्टराईले विस्तारै कोरोना भाईरस संक्रम बढ्दै गएको र मास्कको प्रयोगलाई व्यापक बनाउनु पर्ने बताए ।
प्रकाशित : २०७८ श्रावण २४, आईतवार ११:१७
