रामु यादव, लवनी ।
कपिलवस्तुको शुद्धोधन गाउँपालिकामा भौतिक रुपमा बिधालय सञ्चालन सुरु भएको छ। शुद्धोधन गाउँ पालिका भित्रका सम्पूर्ण शेैक्षिक संस्था को प्रधानाध्यापक तथा जनप्रतिनिधिहरुको २०७८ साल भदौ १६ गते बसेको बैठकको निर्णय सिफारिस,समुदाय स्तरमा हाल कोभिड १९को प्रभाव पालिका को सिआईसिटीको मुल्यांकन साथै स्वास्थ्य संस्था को एन्टिजन टेस्ट रिपोर्ट अनुसार २०७८ भदौ १ गते देखि कोभिड संक्रमित शून्य देखिएको हो ।
२०७८ साल भदौ १७ गतेको बसेको गाउँ शिक्षा समितिको निर्णय सहित गाउँ कार्यपालिका समक्ष बिधालय सञ्चालनका लागि भएको सिफारिस र भदौ २० गतेका दिन बसेको गाउँ कार्यपालिका को बैठकमा भएको निर्णय अनुसार बिधालय व्यवस्थापन समिति,शिक्षक अभिभावक संघको संयुक्त बैठक र अभिभावक को सहमति पश्चात बिधालय समाजिक एव भौतिक दुरी तथा स्वास्थ्य सुरक्षा को सम्पूर्ण मापदण्डहरु पालन गर्दै बिधार्थी,शिक्षक र कर्मचारीहरुको भौतिक उपस्थितमा यही भदौ २२ गते देखि सम्पूर्ण शैक्षिक संस्था हरु सञ्चालन भएको छ। बिधालय सञ्चालन को क्रममा निम्न तरिका बाट बिधालय सञ्चालन गर्ने निर्णय समेत गरेको छ ।
एउटा कोठामा २०जना बिधार्थी वा एक बेन्चमा २ जना बिधार्थी बस्ने ब्यावस्था मिलाउने ,अधिक बिधार्थी भएको बिधालयमा दिन भरीमा२।३सिफ्ट मिलाएर दिन भरीमा ५ पिरियड सम्मा पढाई सञ्चालन गर्ने, कोभिड १९ समाग्रीको पूर्ण रुपमा व्यवस्था मिलाउने,बिधालय सञ्चालन पूर्वसरसफाई लगायत को पूर्व तयारी बिधालय ले गर्ने, शिक्षक,बिधार्थी र कर्मचारी मा स्वास्थ्य सम्बन्धि कुनै समस्या देखिएमा नजिकको स्वास्थ्य संस्था,स्वास्थ्य शाखा र शिक्षा शाखामा जानकारी गराउने, साथै शिक्षा सम्बन्धि यी सुचना जिल्ला प्रशासन कार्यालय कपिलवस्तु,इलाका प्रहरी कार्यालय पकडी,प्रहरी चौकी बगदी,लबनी र शिवलवा मा बोधार्थ सुचना पठाएको शुद्धोधन गाउँपालिकाको प्रशासकीय अधिकृतले कृष्ण प्रसाद ज्ञवालीले बताएका छन् ।
