लुदअ कपिलवस्तु, भदौ २३
कपिलवस्तुको बाणगंगा नगरपालिकाले अन्तराष्ट्रिय साक्षरता दिवस २०७८ को अवसरमा आयोजना गरेको निबन्ध लेखन प्रतियोगितमा उत्कृष्ट विद्यार्थीलाई पुरस्कार वितरण तथा सम्मान गरिएको छ । नगरपालिकाको सभाहलमा केहि दिन अघि प्रविधि मैत्री शिक्षा आजको आवश्यकता भन्ने विषयमा नगर स्तरीय माध्यमिक तहको निवन्ध लेखन प्रतियोगितामा उत्कृष्ट विद्यार्थीहरुलाई पुरस्कार वितरण तथा सम्मान गरिएको हो ।
उक्त प्रतियोगितामा बाणगङ्गा मा .वि लौगाईकी अपेक्षा घिमिरे प्रथम, जनता मा.वि पिपराकी शिक्षा अर्याल द्धितिय, होराइजन मा.वि सिद्धिपुरका करुण घिमिरे तृतीय र अन्नपूर्ण मा.वि कोपवाकी रोशनी थारुले सान्त्वना स्थान प्राप्त गरेका थिए ।
कार्यक्रममा नगरपालिकाका मेयर मंगल प्रसाद थारु, उपमेयर चक्रपाणि अर्याल, प्रमुख प्रशासकिय अधिकृत बासुदेव खनाल, शिक्षा शाखा प्रमुख बाबुराम भट्राई लगायतले सम्पुर्ण उत्कृष्ट विद्यार्थीलाई नगद, सम्मान पत्र प्रदान गरेका थिए ।
