वाल दिवसः बाणगंगाको वडा नं. ११ द्धारा हाजिरिजवाफ प्रतियोगिता सम्पन्न

[sharethis-inline-buttons]

हरि आचार्य, कपिलवस्तु
कपिलवस्तुको बाणगंगा नगरपालिका वडा नं. ११ मा वडा स्तरिय हाजिरीजवाफ प्रतियोगिता सम्पन्न भएको छ । “राष्ट्रिय बाल दिवश“ को पुर्व सन्ध्यामा सोमवार ओदारी सामुदायिक हलमा सम्पन्न भएको हो । प्रतियोगितमा स्वस्तिका गौतम, रवि थारु र बबिता थारुको समुह प्रथम, समिक्षा अधिकारी, जेस्मिक शर्मा, र रिमा थारुकाृ समुहको द्धितिय, गौतम थारु, कमल थारु र बन्धना थारुको समुह तृतीय तथा विवेक भुसाल, भुमिका चौधरी र रिया थारुको समुह सान्त्वना हुन सफल भएका छन् । सो संगै प्रथम समुहले रु. ३ हजार, द्धितीय समुहले रु २ हजार ५ सय, तृतीय समुहले रु २ हजार र सान्तवना समुहले रु १ हजार ५ सय पुरस्कार प्राप्त गरेका छन् ।

कार्यक्रमका प्रमुख अतिथि नगर प्रमुख मंगल प्रसाद थारुले नगरपालिकाले शैक्षिक क्षेत्रलाई प्राथमिकताका साथ अगापड बढाएको बताए ।

त्यस्तै वडाध्यक्ष सोमनाथ अर्यालले भौतिक उपस्थितीले मात्र वडा संमृद्ध नहुने भन्दै सामाजिक रुपान्तरणका लागि लक्षित वर्गका कार्यक्रम महत्वपुर्ण रहेको बताए । उनले सम्पुर्ण उत्कृष्ट समुहलाई बधाई दिंदै सफलताको शुभकामना व्यक्त गरे ।

वडा वाल लैगिंक निगरानि समितिकि अध्यक्ष ईमकला केसीको अध्यक्षता, नगर प्रमुख थारुको प्रमुख आतिथ्यता, वडा अध्यक्ष सोमनाथ अर्यालको विशिष्ट आतिथ्यता, वडा सदस्यहरु, साना किशान कृषि सहकारी अध्यक्ष टीका.अर्याल, नवज्योति बहुउद्देश्यीय महिला सहकारी अध्यक्ष लक्ष्मि गौतम, निवर्तमान अध्यक्ष हुमा अधिकारी, शक्ति विकास नेपाल सस्थाका अध्यक्ष रिना थारु, ओदारी माविका अध्यक्ष लक्ष्मण कडेंल, टोल विकाशका अध्यक्षहरु सिड्स कार्यक्रमका संयोजक आर टी खान तथा २४ जना बिभिन्न बिद्यालयका विद्यार्थीहरुको उपस्थिती रहेको थियो ।


प्रकाशित : २०७८ भाद्र २९, मंगलवार ०१:३४