लुदस,कपिलवस्तु ।
लक्ष्मणघाट सामाजिक विकास केन्द्रको आज भएको चौथो साधारण सभा तथा दोस्रो अधिवेशनबाट आगामी ३ बर्षका लागी नयाँ कार्यसमिति चयन भएको छ ।
लामो समय देखि सामाजिक क्षेत्रमा क्रियाशिल रहेको लक्ष्मणघाट सामाजिक विकास केन्द्रको आगामी नेतृत्वका लागि ओमप्रकाश पौडेलको अध्यक्षतामा नयाँ कार्यसमिति चयन भएको छ । समितिको उपाध्यक्षमा थानेश्वर अधिकारी, सचिवमा सन्दिप न्यौपाने, कोषाध्यक्षमा अञ्जित खनाल र सह सचिवमा सरिता थारु चयन भएका छन् । यस्तै समितिको सदस्यहरुमा दिनेश चौधरी, विनोद खनाल, मिना आले, भोजराज बञ्जाडे, नमराज शर्मा, सीता थारु गरी एघार सदस्यीय समिति गठन गरिएको हो ।
कार्यक्रममा संस्थाका सचिव थानेश्वर अधिकारीले बार्षिक प्रगती प्रतिवेदन प्रस्तुत गरेका थिए भने संस्थाका कोषाध्यक्ष सन्दिप न्यौपानेले आर्थिक प्रतिवेदन प्रस्तुत गरेका थिए ।
सो साधारण सभा तथा अधिवेशन कार्यक्रममा संस्थाका निवर्तमान रनबहादुर काउचाले संस्थाको दिगो विकासका लागि नयाँ कार्यसमितिले अहम भुमिका खेल्ने विश्वास व्यक्त गरेका छन्। यस्तै उनले सबै युवाहरुलाई संगठित गरी सामाजिक विकासका कार्यमा अग्रसर हुनुपर्ने बताए । उनले आफ्नो पनि सदैव सहयोगी भुमिका रहने प्रतिवद्धता जनाएका छन् ।
कार्यक्रममा बोल्दै संस्थाका सल्लाहकार कृष्ण प्रसाद खनालले संस्थाले यस अवधीमा गरेका गतिबिधीको प्रशंसा गर्दे वडाले पनि लक्षित बर्गका कार्यक्रममा युवाहरुको सहभागितालाई जोड दिनुपर्ने बताएका छन् ।
कार्यक्रमका प्रमुख अतिथि अध्यक्ष सुकदेव थारुले संस्थाले स्थापना काल देखी नै बिभिन्न किसिमका रचनात्मक कार्यक्रम गर्दे आइरहेकोमा धन्यवाद दिदै वडाले संचालन गर्ने कार्यक्रमहरुमा संस्थासँग सहकार्य गरी अगाडी बढ्ने प्रतिबद्धता जाहेर गरेका छन् ।
बाणगंगा नगरपालिका वडा नम्बर ६ का वडा अध्यक्ष तथा संस्थाका सल्लाहाकार सुकदेव थारुको प्रमूख आतिथ्यता, संस्थाका सल्लाहकार कृष्ण प्रसाद खनाल, नेपाल पत्रकार महासंघ जिल्ला शाखा कपिलवस्तुका कोषाध्यक्ष मोहन बेल्वासेको आथित्यतामा सम्पन्न कार्यक्रम संस्थाका अध्यक्ष रन बहादुर काउचाको अध्यक्षता ,उपाध्यक्ष प्रकाश पौडेलको स्वागत र सचिव थानेश्वर अधिकारीको संचालनमा सम्पन्न भएको थियो ।
