तिलोत्तमा ,असोज १६

जनहित स्वावलम्बन बचत तथा ऋण सहकारी संस्था तिलोत्तमा ११ कालिका स्थानका २३ औँ साधारण सभा तथा आठौँ अधिवेशन सम्पन्न भएको छ । संस्थाका अध्यक्ष भास्कर गौतमको अध्यक्षता तथा संस्थाका कोषध्यक्ष उमाकला चौधरीले स्वागतमा कार्यक्रम सम्पन्न भएको हो ।

कार्यक्रममा बोल्दै तिलोत्तमा ११ का वडा सदस्य लक्ष्मी गजमेर विश्वकर्माले सहकारीले नै स्थानीयको आर्थिक विकाश सहयोग गरेको बताउनुभयो ।उहाँले महिलाको आर्थिक तथा नेतृत्व विकाशमा समेत भुमिका खेलेको बताउनुभयो । कार्यक्रममा सस्थाका पुर्व अध्यक्ष जगन्नाथ शर्माले सहकारीले आर्थिक आय आर्जनमा भुमिका खेलेको भन्दै अझ सक्रियता देखाउन आग्रह गर्नुभयो । कार्यक्रममा लेखा समिती संयोजक लेखनाथ उपाध्यायले करिब ११ करोड
४४ लाख बराबरको आय ब्यय प्रस्तुत गर्नु भएको थियो । कार्यक्रममा जेष्ठ नागरिकलाई सम्मान उत्कृष्ट समुहलाई सम्मान गरिएको थियो ।

यसैबिच संस्थाको आठौ अधिवेशन सम्पन्न भएको छ । आज सम्पन्न अधिवेशनले पुन भास्कर गौतमको अध्यक्षतामा नौँ सदस्यीय समिती गठन गरेको हो । जसको उपाध्यक्षमा शारदा खराल काफ्ले,सचिव राम बहादुर मल्ल ,कोषाध्यक्ष उमाकला चौधरी ,सदस्यहरुमा निर्मला जि सी ,बम बहादुर चौधरी ,रमेश बहादुर थापा ,रित बहादुर गुरुङ, निरमाया थारु रहनुभएको छ । लेखा संयोजकमा निरज गुरुङ लक्ष्मी पाण्डे,लेखनाथ शर्मा रहनुभएको छ । कार्यक्रमको सञ्चालन संस्थाका सचिब राम बहादुर मल्लले गर्नुभएको थियो ।