हरि आचार्य, कपिलवस्तु
नेकपा एमालेको जनवर्गीय संगठन राष्ट्रिय युवा संघको नगर अधिवेशन पश्चात वाणगंगा नगरपालिकामा संगठन विस्तार तिव्र रुपमा अघि बढेको छ । केही समयअघि नगरले नयाँ नेतृत्व चयन गरेसंगै राष्ट्रिय युवा संघ नेपाल संगठन विस्तारमा जुटेको हो । वाणगंगा नगर कमिटि अध्यक्ष कमल क्षेत्रीको नेतृत्वको नयाँ टिम आएसंगै वडा कमिटि विस्तार तिव्र रुपमा भइरहेको छ । हालसम्म नगरका वडा नम्बर १, २, ३, ४, ६, ७, ८, ९ मा युवाभेला गरी वडा अधिवेशन सम्पन्न भएका छन् ।
सोही क्रममा वडा नंं ५ मा पनि लोक बहादुर थापाको अध्यक्षतामा ६ जना पछि मनोनित गर्ने गरि ३५ सदस्यीय राष्ट्रिय युवा संघ नेपाल वडा कमिटि गठन गरिएको छ । जसको उपाध्यक्षमा कृष्ण बहादुर चौधरी थारु, सचिवमा सुमन कार्की, कोषाध्यक्षमा शोभा पौडेल, सह सचिवमा मनोज पोख्रल सर्वसम्मत चयन भएका हुन् भने अन्य सदस्यमा रहेका छन् ।
कार्यक्रमलाई सम्बोधन गर्दै पार्टीका नगर कमिटि अध्यक्ष युवराज पोख्रेलले जनताको सुख दुखको पार्टी एमाले भएकाले जस्तोसुकै अवस्थामा पनि जनताको साथमा रहनुपर्ने बताए । कार्यक्रमका प्रमुख अतिथि समेत रहेका पोख्रेलले एमाले नेतृत्वको सरकारले गरेका उदाहरणिय कामको बारेमा जनतालाई सुशुचित गराउनमा युवा संघको भूमिका महत्वपुर्ण हुने बताए । उनले पार्टीको विधान, निति नियममा रहेर समाज निर्माणमा लाग्न सम्पुर्ण युवाहरुलाई आग्रह गरे ।
पार्टीका नेता वडाध्यक्ष भिष्मराज भुसालले एमाले नेतृत्वमा आएसंगै वडामा २० औँ बर्षमा हुन नसकेका काम ३ बर्षमा सम्पन्न भएको दावि गरे । कार्यक्रमका विशिष्ट अतिथि भुसालले वडामा भएका भौतिक विकास निर्माण, शिक्षा, सिंचाई लगायतका वडामा भएका विकासको बारेमा जानकारी गराउदै फेरी पनि एमालेको नेतृत्वमा मात्रै देशको विकास हुने बताए । युवा संघ वडा कमिटिसंग समन्वय र सहकार्य गर्न वडा कार्यालय सदैव तयार रहने प्रतिवद्धता व्यक्त गरे ।
त्यस्तै राष्ट्रिय युवा संघ नेपालका केन्द्रिय सदस्य कमल क्षेत्रीले राजनीतिमा युवाहरुले नेतृत्व लिनुपर्ने समय आएकाले बैचारिक तथा सांगठनिक हिसावले पार्टीलाई अघि बढाउन युवाहरुको भूमिका अहंम हुने बताएका छन् । कार्यक्रमका विशिष्ट अतिथि तथा बाणगंगा नगर कमिटिका अध्यक्ष समेत रहेका क्षेत्रीले राष्ट्रको समृद्धि, देशको विकास र सामाजिक न्यायका लागि नेकपा एमाले नै उत्तम विकल्प रहेको बताए । जिल्लाका १० वटै स्थानीय तहभन्दा कमल क्षेत्री नेतृत्वको बाणगंगा नगर कमिटि तदारुकताका साथ लागि परेको छ । पार्टीलाई मजबुद, बलियो र सबल बनाई संमृद्ध समाज निर्माणका लागि युवासंघको अहम भुमिका रहने नगर अध्यक्ष क्षेत्रीले बताए । दुख सुख जस्तो अवस्थामा पनि खटेर पार्टीका क्रियाकलाप सम्पन्न गर्दा कुनै समस्या भएमा नगरपालिका भित्रका युवा संघ सम्पुर्ण वडा कमिटिलाई जति वेला पनि जस्तोसुकै सहयोग गर्ने प्रतिवद्धता व्यक्त गर्दै वडा कमिटिलाई बधाई तथा सफल कार्यकालको शुभकामना व्यक्त गरे ।
युवा संघ वडा ईन्चार्ज मुकेश अर्यालको अध्यक्षता, पार्टीका वडा कमिटि अध्यक्ष बाबुराम अर्याल, अनेरास्ववियु केन्द्रिय राष्ट्रिय परिषद सदस्य अन्जीत खनाल लगायतको आतिथ्यता, युवा संघ नगर कमिटि सदस्य लोकनाथ घिमिरेको स्वागत तथा पार्टीका वडा कमिटि सदस्य सन्दिप आचार्यको सञ्चालन रहेको कार्यक्रममा पार्टीका नेता तथा कार्यकर्ताहरुको उपस्थिती रहेको थियो ।
