तिलोत्तमा ,२२ आश्विन

रुपन्देहीको तिलोत्तमा ११ शिवपुरमा सुरु भएको दुर्गा पुजामा आजबाट कथा प्रवचन प्रारम्भ भएको छ । देवघाटधाम संरक्षण प्रतिष्ठान चितवन एवम शिवपुर कुवंरवर्ती मन्दिर व्यवस्थापन समितीद्धारा आयोजित नवरात्रभरी सात दिनसम्म सञ्चालन हुने श्रीमद देवी भागवत दुर्गा पुजामा आजदेखि कथा प्रवचन प्रारम्भ भएको हो । पुजाको आज दोस्रो दिन दिउँसो १२ बजेदेखि ४ बजेसम्म भाकी सहित कथा प्रवचन भजन किर्तन सम्पन्न भएको छ । आज साझ पनि विषय प्रसंग सम्बन्धित प्रवचन झाकीसहित भजन किर्तन सञ्चालन हुने जानकारी दिइएको छ । आजबाट सुरुवात भएको भजन किर्तन तथा प्रवचन कार्यक्रम २८ गते सम्म नै चल्ने बताइएको छ ।

दुर्गा पुजाबाट उठेको आर्थिक सहयोगले देवघाठ धाममा ३० फुटे अग्लो अष्ठ धातुयुक्त शिवमुर्ती निर्माण गरिने र शिवपुर कुंरवर्ती मन्दिरको पुनस्थापना गरिने बताइएको छ ।
।

सात दिनसम्म चल्ने सप्ताहमा प्रमुख कथा वाचकको रुपमा आर्चाय सर्वेश्वर शरण सुवेदी र सह -वाचकको रुपमा मधुसुधन सत्याल रहनुहुनेछ । श्रीमद देवी भागवत दुर्गा पुजा असोज सहिनाको २१ गतेदेखी २८ गतेसम्म सञ्चालन हुने छ ।