दशैको दिन कपिलवस्तुमा कुनै पनि अप्रिय घट्ना घटेन : कपिलवस्तु प्रहरी

ByLumbini Darpan Online

२९ आश्विन २०७८, शुक्रबार १८:१० २९ आश्विन २०७८, शुक्रबार १८:१० २९ आश्विन २०७८, शुक्रबार १८:१०

हरि आचार्य, कपिलवस्तु,
आज विजया दशमी मान्यजनको हातबाट टीका, जमरा लगाएर र आर्शीवाद लिएर कपिलवस्तु सहित देशैभर हर्षोल्लासका साथ मनाएको छ । आज टीकाको उत्तम साइत १० बजेर दुई मिनेटमा रहेको थियो । नेपाल पञ्चाङ्ग निर्णायक समितिले विजया दशमीमा साइत खोजेर टीका लगाउनेका लागि बिहान १० बजेर २ मिनेटको साइत शुभ रहेको बताएको थियो । यद्यपि आज दिनभर नै टीका ग्रहण गर्न मिल्ने समितिले जनाएको छ । टीका लगाउने मानिस पूर्व फर्कनुपर्ने समितिले जनाएको छ । आज मान्यजन, अग्रज र आफूभन्दा ठूला व्यक्तिबाट दुर्गा भवानीको प्रसादको रुपमा टीका र जमरा लगाउने र आशीर्वाद लिने चलन छ ।

आजदेखि पूर्णिमासम्म मान्यजनबाट टीका ग्रहण गर्दा अन्य फूलका साथै घटस्थापनाका दिनमा वैदिक विधिपूर्वक राखिएको पहेँलो जमरालाई समृद्धिको प्रतीकको रुप मानी लगाइन्छ । जमराले विभिन्न रोगव्याधिमा औषधिको रुपमा काम गर्ने तथ्य वैज्ञानिक रुपमा समेत पुष्टि भइसकेको छ ।

यसैबिच दिनैभर कपिलवस्तु जिल्लामा पनि दशैको रौनक देखिन्थ्यो । बिहानपख परिवारमै ठुलाबडाको हातबाट टिका लगाउने भएकोले बजार क्षेत्र सुनसान देखिएको थियो । तर पछि टिका लगाउन आफन्तको घरमा जाने समय भए पछि चहलपहल बढेको थियो । जिल्ला चार नम्बर जितपुर, पिपरा, बनगाई, गोरुसिंगे, चन्द्रौटा, तौलिहवा लगायतका चोकमा टिका लगाउन जाने सर्वसाधारणहरुको चहलपहल बढेको थियो ।

त्यस्तै विजया दशमीको दिन दिनभर कपिलवस्तु जिल्लामा कुनै पनि अप्रिय नघटेको जिल्ला प्रहरी कार्यालय कपिलवस्तुले जनाएको छ । जिल्लामा कुनै सवारी दुर्घट्ना, झैझगडा, धार्मिक विवाद लगायत कुनै पनि घट्ना नघटेको जिल्ला प्रहरी प्रवक्ता डिएसपि धर्मराज भण्डारीले जानकारी दिएका छन् ।

 

Facebook Comments Box

Leave a Reply

Your email address will not be published. Required fields are marked *