हरि आचार्य, कपिलवस्तु
कपिलवस्तुको बुद्धभुमी नगरपालिका वडा नम्बर १० ढडीहवा स्थित घोराई नाला तर्ने क्रममा मृत्यु भएका २ जना महिलाको आश्रित परिवारलाई नगरपालिकाले १०/१० हजारका दरले राहत रकम प्रदान गरेको छ ।
मेयर केशव कुमार श्रेष्ठले मृतक परिवारको घरमै पुगी उनीहरुको आश्रित परिवारलाई सो रकम हस्तान्तरण गरेका थिए । सो घटना प्रति दुःख ब्यक्त गर्दै मेयर श्रेष्ठले मृतकका परिवार प्रति समबेदना समेत प्रकट गरेका थिए ।
उनले मृतक परिवारलाई अन्य सहयोगका लागि पनि आफुले पहल गर्ने बताए । मृतक परिवारले नगरपालिकाले थारै भए पनि राहत रकम प्रदान गरेमा आफुहरुलाई घाउमा मल्हम लगाउने काम गरेको बताएका थिए ।
गत कार्तिक ३ गते नाला तर्ने क्रममा २५ बर्षिया सिता थारु र १२ बर्षिया सूजना थारुलाई घोलले बगाएको थियो । सिताको साझ र सूजनाको ३ दिन पछि शव फेला परेको थियो ।
प्रकाशित : २०७८ कार्तिक १५, सोमबार १८:४४
