तिलोत्तमा ,कात्तिक २६
आनन्दवन शंकरनगर खानेपानी तथा सरसफाई संस्थाका ससल्लाहकार तथा राष्ट्रिय सभाका सदस्य गोपाल भट्टराईले खानेपानी र सरसफाई जीवनको आधारभुत तत्व रहेको कुरालाई जोड दिनुभएको छ । आनन्दवन शंकनगर खानेपानी उपभोक्ता सरसफाई संस्थाको १९ औँ साधारण सभामा बोल्दै उहाले यस्तो बताउनुभएको हो । खानेपानी र सरसफाई मानव जीवनका लागि अति आवश्यक भएको भन्दै यसका लागि सरकार समुदाय सँगसँगै लाग्नुपर्ने कुरा बताउनुभयो ।
खानेपानी तथा सरसफाई डिभिजन महाशाखा रुपन्देहीका अध्यक्ष धुव्र कुमार धितालले अब संस्थाबाट वितरण गरिने पानी खानाको लागि र अन्य प्रयोजनको लागि पनि प्रयोग कसरी गराउन सकिन्छ भन्ने कुरामा विशेष ध्यान दिदै यसको विकल्पको खोजी भइरहेको बताउनुभयो ।
कार्यक्रममा बोल्दै नेकपा कम्युनिष्ट पार्टी एमालेका तिलोत्तमा नगर अध्यक्ष तामानाथ पाण्डेले स्थानिय चुनाव अगाडिदेखि नैँ संस्थाले खानेपानी तथा सरसफाईका क्षेत्रमा खुल्ला दिशामुक्त गर्ने , स्वच्छ खानेपानी वितरण गर्ने काममा निकै प्रशंसनीय काम गरेको बताउनुभयो । पाण्डेले पुर्व पश्चिम सडकको ढल निकासको कुरामा सस्था गम्भिरताका साथ लाग्नुपर्ने बताउनुभयो ।
संस्थाका उपाध्यक्ष किशोर खत्रीको स्वागत मन्तव्य रहेको कार्यक्रममा संस्थाको प्रगति प्रतिवेदन सस्थाका अध्यक्ष केशवराज न्यौपानेले प्रस्तुत गर्नुभएको थियो ।
कार्यक्रममा तुल्सि न्यौपाने , जगत पौडेल ,रमा केसी तगाएतले बोल्नुभएको थियो । सस्थाका प्रशासन प्रमुख नवराज न्यौपानेको सञ्चालनमा कार्यक्रम सम्पन्न भएको थियो ।
