बुटवल, कार्तिक २९

बुटवल देवीनगर स्थित पुलको छेउबाट एक कार तल खसेको छ । सोमबार दिउँसो लु ३ च २५६९ नम्बरको कार सडकबाट तल खस्दा ३ जना घाइते भएका छन् ।
बुटवल–११ देवीनगर र बुटवल–११ बुद्धनगर जोड्ने नयाँ पुलको देवीनगरतर्फ कार हाटबजार लाग्ने स्थानमा कार दुर्घटनामा परेको हो ।

दुर्घटनामा परेर कार चालक पदम नेपाल,उनकी श्रीमती भावना पौडेल र सोही स्थानमा ठेलामा फलफूल व्यवसाय गर्ने कमला अधिकारी घाइते भएका छन । घाइते तिनै जनालाई उपचारका लागि लुम्बिनी प्रादेशिक अस्पताल बुटवल पठाएको प्रहरीले जनाएको छ ।