लुदस,
कपिलवस्तुको शिवराज नगरपालिका ५ चन्द्रौटाबाट बुड्डि जाने भनि शुक्रबार निस्केका वित्र्रmम पौडेल अझै फेला परेका छैनन् ।
शुक्रवारदेखि देखि बेपत्ता भएको व्यापारी खोज्न कपिलवस्तु प्रहरीले तालिम प्राप्त कुकुर परिचालन गरेको छ ।

चन्द्रौटामा खाद्यान्न पसल संचालन गर्दै आएका ३३ वर्षीय विक्रम पौडेल गत शुकबार साँझ ७ बजेदेखि बेपत्ता भएका हुन् । उनी सवार मोटरसाईकल बेल नदी नजिक फेला परेको थियो भने अर्को दिन खोजीगर्दै जाँदा नदीमा मोवाईल फेला परेको परिवार श्रोतले बताएको छ ।

सम्पर्क विहीन भएपछि जिल्ला प्रहरी, सशस्त्र प्रहरी , छिमेकी ईष्टमित्र, दाजुभाई आफन्तहरुले पनि बेपत्ता पौडेलको खोजतलास गरिरहेका छन् ।
लगातार प्रहरी प्रशासन र स्थानीयले खोजी गर्दा फेला नपरेपछि तालिम प्राप्त कुकुर परिचालन गरेको जिल्ला प्रहरी कार्यालयले जनाएको छ । दैनिकजसो खोजी गर्दै जाँदा समेत फेला नपरेपछी कुकुर परिचालन गरी (मंगलबार) विहानदेखि खोजी सुरु भएको जिल्ला प्रहरी कार्यालय कपिलवस्तुका प्रवक्ता प्रहरी नायव उपरीक्षक धर्मराज भण्डारीले बताए ।