लुदअ कपिलवस्तु, मंसिर १२
कपिलवस्तुमा तीन मोटरसाइकल एकआपसमा ठोक्किँदा एकजनाको मृत्यु भएको छ । दुर्घटनामा विजयनगर ६ खजहानी डिहवा बस्ने अन्दाजी २५ वर्षीय वंशीलाल चौहानको मृत्यु भएको हो । जिल्लाको विजयनगर ६ फरेनी चोकमा उत्तरबाट दक्षिणतर्फ जाने क्रममा ३ मोटरसाइकल एकआपसमा ठोकिएका हुन् ।
जिल्ला प्रहरी कार्यालय कपिलवस्तुका अनुसार मोटरसाइकल ठोक्किँदा दुर्घटनाबाट २ जना घाइते भएका छन् । उनीहरुको चन्द्रौटास्थित सञ्जिवनी अस्पतालमा उपचार भइरहेको छ । ठोक्किएका लु १३ प ३०९८ र लु ३४ प ७०५४ को मोटरसाइकल प्रहरीले नियन्त्रण लिएको छ । अर्का एक व्यक्ति मोटरसाइकल लिएर फरार भएका छन् । प्रहरीले फरार चालकको खोजी गरिरहेको जनाएको छ ।
प्रकाशित : २०७८ मंसिर १२, आईतवार १९:५३
