हरि आचार्य, कपिलवस्तु
ई–सेवा कपिलवस्तुको आयोजनामा एजेन्ट भेटघाट तथा अन्तरक्रिया कार्यक्रम सम्पन्न भएको छ । पिस हिमालय रिसोर्ट ठाकुरापुरमा सम्पन्न कार्यक्रममा ई–सेवा एजेन्टहरुको उपस्थिती रहेको थियो ।
सन २०१७ सालबाट नेपाल राष्ट्र बैंकले अनुमति दिएको ई–सेवा त्यसलगत्तै नेपाल टेलिकमद्धारा सम्मानित भएको थियो । त्यस्तै ई–सेवाका नेपाल भर १ लाख ५० हजार बढि एजेन्ट भएको र ५० लाख बढि प्रयोगकर्ता रहेको पनि कार्यक्रममा जानकारी गराईएको थियो ।
कार्यक्रममा यहि मंसिर १५ गते देखि २०७९ बैशाख १४ सम्म मोवाईल देखि स्कुटर सम्मको बम्पर उपहार योजना तथा अन्य योजनाहरुको स्पष्ट पारिएको थियो । सोहि योजना अन्तर्गत मोवाईल टपअप, ईन्टरनेट अर्थात टिभि पेमेण्ट, आन्तरिक तथा बाह्रय उडान टिकट, रेमिट्यान्स, ईन्स्योरेन्स, खानेपानी, विद्युत विल, एजुकेशन शुल्क पेमेण्ट गर्न सकिने छ ।
साथै ई–सेवा मार्फत क्यु आर पेमेन्ट, बैंक ट्रान्सफर्म, ब्रोकर पेमेण्ट, एरलाईन्स मर्सेन्ट टपअप, क्यास ईन. लगायतका विभिन्न कारोबार गर्न सकिने बताईएको छ ।
एजेन्टहरुलाई प्रशिक्षण दिंदै ई–सेवा कपिलवस्तुका ईन्चार्ज प्रदिप अर्यालले सोहि योजना अन्तर्गत ७५ लाख देखि १ करोड सम्मको कारोवार गरेमा ल्पायटप, १ करोड देखि १ करोड २५ लाख सम्मको कारोवार गरेमा म्याक बुक र १ करोड २५ लाख भन्दा बढीको कारोवार गरेमा स्कुटर उपहार प्रदान गरिने बताए । त्यस्तै अफरमा पर्नका लागि कम्तीमा ३ वटा मर्सेन्ट को भुक्तानी हुनुपर्ने र एउटा मात्र मर्सेन्टको भुक्तानी गरेमा बम्पर अफरको आवश्यक कारोवारको ६० प्रतिशत मात्र कुल कारोवारमा समावेश गरिने पनि एजेन्टहरुलाई जानकारी गराएका थिए ।
एजेन्टहरुको जिज्ञासाको जवाफ दिंदै ई–सेवा केन्द्रिय कार्यालयका चिफ म्यानेजर आशिष गौतम, लुम्बिनी, कर्णालि र सुदुरपश्चिमका ईन्चार्ज कमल सापकोटाले जतिसक्दो ई–सेवाको प्रयोगलाई बढाउन अनुरोध गर्दै आएका समस्याको तत्काल समाधान गर्ने बताए । त्यस्तै एजेन्टको प्रयासलेनै ई–सेवा यो स्थान सम्म आएको बताउदै विभिन्न सरकारी तथा गैरसरकारी कार्यालयमा कर भुक्तानी गर्दा, विद्युत, खानेपानी, ईन्स्योरेन्स, विद्यालय लगायतका विविध क्षेत्रमा कारोवार गर्दा इ–सेवा नै उत्तम विकल्प रहेको बताए ।
कार्यक्रमका विशिष्ठ अतिथि बाणगंगा खानेपानी तथा सरसफाई उपभोक्ता समितिका अध्यक्ष विश्व कार्कीले ई–सेवाले समयको बचत, खर्चमा मितव्यीता लगायत विभिन्न फाईदा पुग्ने बताए । खानेपानी तथा सरसफाई उपभोक्ता महासंघका जिल्ला अध्यक्ष समेत रहेका कार्कीले वाणगंगा खानेपानीमा पनि ६० प्रतिशत उपभोक्ताले ई–सेवा मार्फत भुक्तानी गरेको बताउँदै विभिन्न समस्या समाधान गर्न आवश्यक रहेको बताए । समाजलाई डिजिटलाईजेशन बनाउँन र सहजताका लागि ई–सेवाको अहम भुमिका रहेको बताए ।
कार्यक्रमका अध्यक्ष ई–सेवा कपिलवस्तुका प्रमुख खिम बहादुर क्षेत्रीले कार्यक्रम सफल पार्न सहयोग गर्ने सम्पुर्णलाई धन्यवाद व्यक्त गरे । प्रमुख क्षेत्रीले आई परेका समस्या समाधान गर्न आवश्यक सहयोग निरन्तर रहने प्रतिवद्धता व्यक्त गरे ।
त्यस्तै कार्यक्रममा मार्फत ई–सेवाको प्रयोग गरि १ लाख रिवार्ड पु¥याएकोले साझा किराना पसल पिपराका प्रोप्राईटर सन्तोष पोख्रेललाई ल्याप्टप सहित सम्मान गरिएको छ । सम्मान ग्रहण गर्दै पोख्रेलले थप हौसला प्रदान भएको भन्दै आगामी दिनमा अझै सक्रियताका साथ काम गर्ने बताए ।
ई–सेवा कपिलवस्तुका प्रमुख खिम बहादुर क्षेत्रीको अध्यक्षता, बाणगंगा खानेपानी तथा सरसफाई उपभोक्ता समितिका अध्यक्ष विश्व कार्कीको विशिष्ठ आतिथ्यता, व्यबस्थापक अनिमा खरेल, माउण्ट एभरेष्ट बचत तथा ऋण सहकारीका अध्यक्ष रविलाल भट्राई लगायतको आतिथ्यता तथा ई–सेवा बुटवलका म्यानेजर गोबिन्द खनालको सञ्चालनमा सम्पन्न कार्यक्रममा ई–सेवाका १ सय बढी एजेन्टहरुको उपस्थिती रहेको थियो ।
