वडा स्तरिय युवा क्लब सैनामैना–१० को आज मिति २०७७ माघ ३ गते शनिबार प्रथम बैठक बसेको छ । बैठकमा सञ्चालक समितिका सम्पूर्ण सदस्य लगायत वडाका विभिन्न टोलका युवाहरुको सक्रिय उपस्थिति रहेको थियो ।
बैठकमा छलफल तथा सरसल्लाह गरे पश्चात निम्न निर्णयहरु भएको क्लबका अध्यक्ष श्री विकास सापकोटाले जानकारी दिनुभयो ।
क्लबको मासिक बैठक प्रतेक महिनाको पहिलो शनिबार बिहान ११ बजे वडा कार्यालयको सभा हलमा हुने ।
क्लबका समितिहरु तथा सदस्यहरु भूूमि सम्बन्धी समस्या समाधान आयोग–२०७६ ले सञ्चालन गर्ने लगत संकलन कार्यलाई सहज र व्ववस्थित तरिकाले सम्पन्न गर्न आ–आफ्ना टोलमा गणक, स्वयंसेविका, वडासदस्य, टोल अध्यक्ष हरुसँग समन्वय गरी वडामा जानकारी गराई स्थानियलाई उक्त कार्य गर्न सहजता प्रदान गर्ने ।
बिद्यमान छोरीचेली माथि भैरहेको बेचबिखन, बलत्कार, हत्या हिंसा लाई रोक्न र छोरीचेलीविशेष तालिम तथा कार्यक्रम गर्न सम्बन्धित माइती नेपाल, राष्ट्रिय, अन्तराष्ट्रिय निकायहरु लगायतका संघ संस्थाहरुलाई सम्पर्क, समन्वय गरी कार्यक्रम सञ्चालन गर्ने ।
सैनामैना १० का युवाहरुमा सामाजिक काम गर्ने उत्सुकता बढी रहेको भन्दै अध्यक्ष विकास सपकोटाले दाबी गर्नुभयो । सँगसँगै मिति २०७७ पौष २८ गते गठित यस क्लबलाई सम्बन्धित निकाय र वडाले सहयोग गरेमा नगरमै नमुनाका रुपमा अगाडी बढाउन तत्पर रहेको पनि वहाँले जोड दिनुभयो ।
