चर्चित भोजपुरी गायक एवं नेपाली चलचित्रका नायक श्याम कुमार मिश्रालाई शुक्रबार वुमेन्स एरा एण्ड मिडिया गृप नेपालले राजधानीमा आयोजना गरेको कार्यक्रम ‘हिमालयन इन्टरनेशनल अवार्ड २०२१’बाट पुरस्कृत गरेको छ ।
मिश्रले भोजपुरी गीतबाट सर्वोत्कृष्ट अवार्ड प्राप्त गरेका हुन् । निर्माता संघका अध्यक्ष आकाश अधिकारीको प्रमुख आतिथ्यतामा सम्पन्न उक्त कार्यक्रममा नेपाली कला, साहित्य जगतका बिशिष्ट ब्यक्तित्वहरुको समेत उपस्थिति रहेको थियो ।
कपिलवस्तुको कृष्णनगर निवासी श्याम भोजपुरी तथा नेपाली गीत, सङ्गीतको क्षेत्र र नेपाली चलचित्र क्षेत्रमा आफ्नो छुट्टै पहिचान बनाउन सफल ब्यक्तित्व हुन ।
नेपाल मुक्ति मञ्च कपिलवस्तुका जिल्ला अध्यक्ष रहेका मिश्रा गत स्थानीय निर्वाचनमा कृष्णनगर नगरपालिकाको मेयरको उम्मेद्वार भएका थिए ।
कलाकारितासँगै सामाजिक, राजनीतिक र व्यवसायलाई समेत सँगसँगै लिएर अगाडि बढ्ने सोच बनाएका मिश्रा सम्मानले आफुलाई थप उर्जा मिल्नेको बताएका थिए । उनले दर्जनबढी चलचित्र तथा गित संगितमा अभिनय समेत गरिसकेका छन् ।
