लुदअ कपिलवस्तु, माघ १३
प्रदेश सांसद विष्णु पन्थीले साना किसान कृषि सहकारी संस्थालाई निरन्तर सहयोग गर्ने बताएका छन् । साना किसान सहकारी संस्था लिमिटेड ओदारीको भवन शिलान्यास कार्यक्रमलाई सम्बोधन गर्दै पन्थीले सहकारीको भवन निर्माणका लागि अहिले पनि आर्थिक सहायता प्रदेश सरकारले गरेकोमा आगामी वर्षहरुमा पनि यस्तै सहयोगलाई निरन्तरता दिने बताए ।
सोहि कार्यक्रमलाई सम्बोधन गर्दै वाणगंगा नगरपालिकाका मेयर मंगल प्रसाद थारुले महिलाहरुले संञ्चालन गरेको साना किसान सहकारी ओदारीले छोटो अवधीमै उल्लेखनिय प्रगति गरेको प्रति शुभकामना व्यक्त गर्दै भवन निर्माणका लागि नगरपालिका मार्फत बजेट उपलब्ध गराउन सक्दो पहल गर्ने प्रतिवद्धता व्यक्त गरे ।
यस्तै कार्यक्रमलाई सम्बोधन गर्दै वडाध्यक्ष सोमनाथ अर्यालले वडा भित्रको गहनाका रुपमा साना किसान कृषि सहकारी संस्था लिमिटेड ओदारी रहेको भन्दै यस्को प्रवद्र्धनमा आवश्यक कदम चाल्नका लागि वडा कार्यालय नचुक्ने बताए ।
सहकारीका अध्यक्ष टीका अर्यालको अध्यक्षता, प्रदेश सांसद विष्णु पन्थीको प्रमुख आतिथ्यता, वाणगंगा नगरपालिकाका मेयर मंगल प्रसाद थारु र वडा नम्बर ११ का वडाध्यक्ष सोमनाथ अर्यालको विशिष्ट आतिथ्यता, वडा सचिव राम प्रसाद सापकोटा, वडा सदस्यहरु बाजबुल लैन शाहा, जगनारायण थारु, सिद्धार्थ क्याम्पसका उपाध्यक्ष तथा सहकारीका सल्लाहकार रवि बहादुर काफ्ले, स्थानिय समाजसेवि मनोहर योगी, साना किसान कृषि सहकारी संस्था लिमिटेड मोतिपुरका अध्यक्ष भीम प्रसाद सापकोटा, राष्ट्रिय दलिद पत्रकार संघ कपिलवस्तुका अध्यक्ष कृष्ण हरिजन, सल्लाहकारहरु लक्ष्मी भटराई, अम्बिका पौडेल कल्पना शर्मा लगायतको आतिथ्यता सल्लाहकार रवि बहादुर काफ्लेको स्वागत तथा संस्थाका व्यवस्थापक माया भटराईको सञ्चालनमा शिलन्यास कार्यक्रम सम्पन्न भएको सहकारीले जनाएको छ ।
