पार्वती आचार्य, कपिलवस्तु
अखिल नेपाल महिला संघ जिल्ला समिति कपिलवस्तुले प्रथम बैठक ४ नं जितपुरमा सम्पन्न गरेको छ । समितिले प्रथम बैठकलाई सम्बोधन गर्दै पाटीका केन्द्रीय सदस्य एवं कपिलवस्तुका सहइन्चार्ज बिमला घिमिरेले पाटीका अध्यक्ष तथा प्रधानमन्त्री केपी शर्मा ओलीलाई पाटी भित्रैवाट घेरावन्दी गरी कामै गर्न नदिनुको साथै अपमान जनक रुपमा पाटी अध्यक्षवाट हटाउने र प्रधानमन्त्री हटाउन अविश्वासको प्रस्ताव ल्याई फाल्ने षडयन्त्र भएकोले बाध्य भएर प्रतिनिधि सभा विघटन गर्नु परेको बताएकी छन् ।
राष्ट्रपतिलाई महाअभियोग लगाउने जस्ता गलत कार्यका विरुद्ध वर्तमान परिस्थितीको सृजना गर्न प्रधान मन्त्री केपी ओली बाध्य भएको उनले बताईन् । अनेमसंघको केन्द्रीय सदस्य समेत रहेकी नेता घिमिरेले इतिहासमा कुनै पनि प्रधानमन्त्रीले गर्न नसकेका उल्लेखनिय काम केपी ओलीले गरेको बताईन् ।
कार्यक्रममा केन्द्रीय सदस्य विश्राम प्रसाद थारुले बोल्दै एक पटक प्रधानमन्त्री पाटी नेतृत्व समाली सकेका भुतपुर्बहरु अतालिएर केपीओलीलाई ३ महिना पछि हुने माहाधिबेसन र २ वर्ष पछि हुने निर्वाचन सम्म पर्खन नसकेर पाटीवाट हटाउने षडयन्त्रमा लागेको बताए ।
केपी ओलीका पालामा देशमा विकासले ठुलो फड्को मारेको र नयाँ नयाँ सपना देखाउने दुरदर्शी नेता रहेको समेत नेता थारुले बताए । कार्यक्रममा बोल्दै केन्द्रीय सदस्य शान्तिदेवी हरिजनले सरकारले अन्तरराष्ट्रिय विमान स्थाल निमार्ण , पुर्व पश्चिम रेलमार्गको थालनी , भुकम्पवाट भत्कीएका ८ लाख घरहरु पुर्ननिमार्णको अन्तिम चरणमा पुर्याउने जस्ता महत्वपुर्ण काम गरेको बताईन् ।
यस्तै केन्द्रीय सदस्य शारदा शर्माले बोल्दै पुर्व पश्चिम राजमार्ग ४ लेण्डको , मध्य पहाडी मदनभण्डारी राजमार्ग, पुस्पलाल मार्ग र हुलाकी राजमार्ग काम सुचारु गर्ने काम सरकारले गरेको बताईन् । अनेम संघका केन्द्रीय सदस्य शुशिला दर्लामीले बोल्दै अब संगठन बलियो बनाउन र जनतालाई यर्थात् कुरा बुझाउन गाउँ अभियान थाल्नु पर्ने बताईन् ।
बैठकले अनेम संघको केन्द्रिय कमिटीमा शारदा शर्मा , शुसिला दर्लामी , सुर्य कुमारी शाही , शिव कुमारी थारु लगाएत जिल्ला , प्रदेश तथा केन्द्रमा मनोनित गरेको छ । मनोनित सम्पुर्ण पदाधिकारीहरुलाई सफल कार्यकालको बधाई तथा शुभकामना समेत दिईएको थियो । वैठकले समितिमा थप सदस्य बिस्तार गर्दै जिल्लाका ६ नगरपालिका र ४ गाउँपालिकामा जिम्मेवारी प्रदान गरेको छ । कार्यक्रम संघका सचिव चेतना अधिकारीको सञ्चालनमा सम्पन्न भएको थियो ।
