कपिलबस्तु उद्योग बाणिंज्य संघको ७ औँ अधिवेशनका लागि नेकपा प्यानलद्धारा उम्मेद्धारी घोषणा

[sharethis-inline-buttons]

हरि आचार्य कपिलवस्तु, माघ २०
माघ २३ र २४ गते हुन गइरहेको कपिलबस्तु उद्योग बाणिंज्य संघको अधिवेशनको मिति नजिकीए सगै व्यवासायीमा चुनावी रैनक सुरु भएको छ । अन्तिम सम्म प्रयास गरे पनि सहमति हुने नदेखिए पछि अधिवेशनमा नयाँ कार्य समितिका लागि दुवै प्यानलले पत्रकार सम्मेलनको आयोजना गरि उम्मेद्धारी घोषणा गरेका छन् ।

नेकपा प्यानलले टोप नारायण बेल्बासेको अध्यक्षतामा उम्मेद्धारी घोषणा गरेको छ । उक्त प्यानलमा अध्यक्षमा टोप नारायण बेल्बासे, बरिष्ठ उपाध्यक्षमा छवि रेश्मी मगर, उद्योग उपाध्यक्षमा कृष्ण सापकोटा, वाणिज्य उपाध्यक्षमा कृष्ण प्रसाद गैरे, एसोसियट उपाध्यक्षमा बिरेन्द्र खाँण, बस्तुगत उपाध्यक्षमा बाबुराम भट्राई, महा सचिव कुशल पौडेल, खिमानन्द पौडेल (कोपिल), कोषाध्यक्षमा मनोहर योगि, सह कोषाध्यक्षमा ओम बहादुर केसी, महिला सदस्यमा शान्ति क्षेत्री, गिता पौडेल लगायतको उमेद्धारी घोषणा गरिएको छ ।

पत्रकारका जिज्ञासाको जवाफ दिंदै नेकपा प्यानल अन्तर्गत अध्यक्ष पदका उम्मेद्धार बेल्बासेले कोभिड १९ ले थला परेका व्यवसायीको आर्थिक स्तरलाई उठाउन, व्यवसायीलाई पर्ने प्रशासनिक कामलाई सहज बनाउन, यस क्षेत्रका हाट बजार व्यवसायी लगायत सबै व्यवसायीका समस्या समाधान गरी उनीहरुको हक, हित र अधिकार संरक्षणका लागि आफ्नो प्यानलको उम्मेद्धारी घोषणा गरिएको बताए । उनले आफ्नो टिम एउटा व्यवसायी प्रेमी र लगनशिल व्यवसायीको टिम भएको अवश्य जित हुने दावि गर्दै व्यवसायीको हक हित संरक्षणका लागि आफ्नो प्यानललाई अत्यधिक मतले विजयी गराउन आग्रह गरेका थिए ।


प्रकाशित : २०७७ माघ २०, मंगलवार १४:२४