लुदअ कपिलवस्तु, फागुन ७
वाणगंगा नगरपालिकाले जितपुर तौलिहवा सड्क खण्ड विस्तारको क्रममा क्षेती भएका घरजग्गाको उचित मुआब्जा दिलाउने भएको छ । वाणगंगा नगर कार्यपालिकाको बैठकले उक्त सडक विस्तारको क्रममा क्षेती भएका घरधनिलाई मुआब्जा दिलाउन संघिय सरकार संग माग गर्ने निणर्य गरेको हो । यस्तै कार्यपालिका बैठकले अन्य महत्वपूर्ण निणर्य गरेको छ ।
जस अनुसार भोलि हुने नगरसभामा प्रस्तुत गरिने प्रगती प्रतिबेदन स्विकृत गरेको छ भने नगरको भवन निर्माण मापदण्डलाई पनि संसोधन गरेको छ । केहि योजना तथा कार्यक्रमलाई संसोधन गरी नगरसभामा पेस गर्ने, वडा नम्बर ५ को बालमैत्री योजना स्विकृत गर्ने नियार्ण भएको नगरपालिकाका प्रवक्ता विष्णु पौडेलले जानकारी दिनुभयो । साथै उहाले शुक्रवार ८ औ नगरसभा नगरपालिकाको हलमा आयोजना गरिने जानकारी दिनुभएको छ ।
मेयर मंगल प्रसाद थारुको अध्यक्षतामा सम्पन्न बैठकले राष्ट्रपति रनिङ शिल्ड प्रतियोगिता र तेस्रो मेयर कपको मितीपनि तय गरेको छ । यहि फागुन १३, १४ र १५ गते जनता नमुना मावि पिपरामा राष्ट्रिपति रनिङ शिल्ड प्रतियोगिता र फागुन २१, २२ र २३ गते बुद्ध रंगशाला जितपुरमा तेस्रो मेयर कप प्रतियोगिता आयोजना गर्ने निणर्य गरेको छ । बैठकमा उपमेयर, सम्पूर्ण वडा अध्यक्ष, कार्यपालिका सदस्य, विषयगत शाखा प्रमुख लगाएतको सहभागिता रहेको थियो भने संचालन प्रमुख प्रशासकिय अधिकृत गेहेन्द्र बहादुर डागीले गर्नुभएको थियो ।
