हरि आचार्य कपिलवस्तु, फागुन ७
अखिल नेपाल राष्ट्रिय स्वतन्त्र विद्यार्थी युनियन (अनेरास्ववियू) कपिलवस्तुको आयोजनामा बृहत रक्तदान कार्यक्रम सम्पन्न भएको छ । रक्तदान जिवन दान भन्ने मुल नाराका साथ नेपाल रेडक्रस सोसाईटि बाणगंगा उपशाखा कार्यालयमा आयोजना गरिएको रक्तदान कार्यक्रममा ५० बढि प्वाईन्ट रगत संकलन भएको छ । जसमा नेपाल रेडक्रस सोसाईटि तौलिहवा शाखाको प्राविधिक सहयोग रहेको थियो । कोरोना भाईरस विरुद्धको कोभिशिल्ड खोप लगाएका व्यक्तिले रक्तदान गर्न नमिल्नेको बावजुत पनि निकै उत्साहजनक रुपमा कार्यक्रम सम्पन्न गरिएको संयोजक बाबुराम अर्यालले जानकारी दिए ।
कार्यक्रमका प्रमुख अतिथि नेपाल कम्युनिष्ट पार्टी (नेकपा) का केन्द्रिय सदस्य तथा जिल्ला अध्यक्ष झविलाल पोख्रेलले रक्तदान जिवनदान रहेको भन्दै रक्तदानमा सरिक भईदिन सबैलाई आग्रह गरे । उनले अनेरास्ववियू कपिलवस्तुले विगत देखिनै उदहरणिय सामाजिक मानवीय कार्य गर्दै आएको र यसलाई निरन्तरता दिने विश्वास व्यक्त गरे ।
त्यस्तै कार्यक्रमका विशिष्ट अतिथि अनेरास्ववियूका स्थायी कमिटि सदस्य श्याम प्रकाश प्रजापतिले रक्तदान एक महत्वपुर्ण मानवीय कार्य रहेको बताए । उनले रक्तदान गर्ने सबैलाई आभार प्रकट गरे ।
त्यस्तै संयोजक बाबुराम अर्यालले रगतको अभावका कारण धेरैको ज्यान जोखिममा हुने र ज्यानै जाने समस्याको केहि हद सम्म भए पनि समाधान गर्ने उद्देश्यले रक्तदान कार्यक्रम आयोजना गरिएको बताए । उनले कार्यक्रमलाई सफल पार्न सहयोग गर्ने तथा रक्तदाता सबैलाई धन्यवाद व्यक्त गरे ।
सहसंयोजक दयाराम पौडेलले रक्तादान जस्तो पवित्र कार्यमा जोडिन अनेरास्ववियूका सबै विद्यार्थीहरुलाई आह्वान गरे ।
कार्यक्रममा अनेरास्ववियूका केन्द्रिय सदस्य ईन्दिरा पौडेल, बुद्धभूमि नगरपालिका वडा नं.३ का वडाध्यक्ष तथा केन्द्रिय सदस्य बिकास आचार्यले रक्तदान गरेका थिए ।
केन्द्रिय सदस्यहरु प्रदिप क्षेत्री, अनुप केशी, केशव खनाल, दिनेश चौधरी, रतन विक लगायत अनेरास्वयिवयूका विद्यार्थीहरुको उपस्थिती रहेको थियो ।
संयोजक बाबुराम अर्यालको अध्यक्षता तथा सहसंयोजक दयाराम पौडेको सञ्चालनमा कार्यक्रम सम्पन्न भएको थियो ।
