प्रेस संगठन रुपन्देही पुर्नगठन

[sharethis-inline-buttons]

बुटवल, २० फागुन ।
प्रेस संगठन नेपाल रुपन्देहीको भेलाले ३१ सदस्यीय नयाँ कार्यसमिति चयन गरेको छ । आज बुटवलमा सम्पन्न भेलाले कमल रायमाझी संयोजक, बिनोद परियार सहसंयोजक, शंकर पाण्डे सचिवसहितको ३१ सदस्यीय कार्यसमिति चयन गरेको हो ।

भेलाले श्रमजीवी पत्रकारका पक्षमा सात बुँदे बुटवल घोषणापत्र पनि जारी गरेको छ । भेलाको उद्घाटन गर्दै लुम्बिनी प्रदेशका समाजिक विकास मन्त्री सुदर्शन बरालले राजनीति गर्नेहरुले नैतिकता गुमाउँदा देश संकटमा पर्ने गरेको भन्दै त्यस्तो बेला संचारजगतले खबरदारी गर्नुपर्ने औंल्याए । राजनीतिक बिचलनका बेला मिडियाले खबरदारी गर्न जरुरी छ भन्दै बरालले रचनात्मक आलोचना सधै उपयुक्त हुने बताए । देशी बिदेशी शक्ति केन्द्रको हस्तक्षेपले गर्दा नै प्रतिनिधि सभा विघटन भएको उनको तर्क थियो ।

कार्यक्रममा नेकपा रुपन्देही अध्यक्ष राजु गुरुङ, सचिव निर्मल जीसी, वरिष्ठ पत्रकार वालकृष्ण चापागाई, बिनोद पहाडी, शिद्धिचरण भट्टराई, संगठनका केन्द्रीय सदस्य घनश्याम गौतम, लुम्बिनी प्रदेश इन्चार्ज बिकास बन्जाडे, संयोजक मानसिंङ बिक, नेपाल पत्रकार महासंघ रुपन्देही अध्यक्ष यानेन्द्र जीसी, पत्रकारहरु भुवन कार्की, रुद्रहरी कुँवर, नरेश केसी लगायतले आआफ्नो धारणा राखेका थिए ।


प्रकाशित : २०७७ फाल्गुन २०, बिहीबार १४:११