हरि आचार्य, कपिलवस्तु
कपिलवस्तु जिल्लाकै उत्कृष्ट वाणगंगा नगरपालिकामा रहेको लुम्बिनी लर्निङ्ग सेन्टर प्रालिले मृगौला पिडित सन्तोष गैरेलाई आर्थिक सहयोग गरेको छ । अर्घाखाँचीको भुमिकास्थान नगरपालिका वडा नम्बर १० स्थाइ घर भएका सन्तोष गैरेलाई सेन्टरले ५ हजार २५ रुपैया प्रदान गरेको हो । २४ वर्षिय गैरेको दुबै मृगौला फेल भएको परिवारले जनाएको छ । सोहि सेन्टरमा कोरियन भाषा अध्ययनरत उनको भाई नाता पर्ने महेश आचार्यलाई रु ५ हजार २५ रुपैयाँ बराबरको चेक हस्तान्त्रण गरिएको हो ।
सन्तोषको हाल गौतमबुद्ध मुटु अस्पताल रुपन्देहीमा उपचार जारी छ । दुबै मृगौला फेल भएकाले मृगौला प्रत्यारोपण गर्नुपर्ने र पारिवारको आर्थिक अवस्था पनि अत्यन्त न्यून भएकाले गैरेलाई आर्थिक सहयोग गरेको लुम्बिनी लर्निङ्ग सेन्टरका प्रमुख असिम कंडेल क्षेत्रीले बताए ।
आफुले प्रदान गरेको रकमले पिडित परिवारलाई केहि भएपनि सहयोग मिल्ने भन्दै समस्यामा परेका बेला सहयोग गरी मानवीय धर्म निभाउनुपर्ने बताए । सानो सहयोगले पनि मृगौला प्रत्यारोपणमा सहज हुने भन्दै सबैजनालाई आफुसक्दो सहयोग गर्नपनि परिवारले आग्रह गरेको छ ।
नाफा भन्दा सदैव विद्यार्थीहरुको भविष्यको लागि लागि परेको सेन्टरका प्रमुख असिम क्षेत्री बताउँछन् । उनले निजि शैक्षिक संस्था भए पनि कहिले पनि नाफामा मात्र जोड नदिएको भन्दै विद्यार्थीहरुको भविष्य नै साकार पार्नमा सेन्टर प्रतिवद्ध रहेको बताए ।
विक्रम संवत २०७२ सालमा स्थापना गरिएको लुम्बिनी लर्निङ्ग सेन्टर प्रालिले कोरियन, जापनिज लगायत विभिन्न भाषा, सम्पुर्ण लेवलका ट्युसन कक्षा, सबै कोर्षका कम्प्युटर कक्षा दक्ष एवम् अनुभवि प्रशिक्षकद्धारा पठनपाठन गराईरहेकोले नतिजा जिल्लामै उत्कृष्ट रहेको त्यहाँ अध्ययनरत विद्यार्थीहरु बताउँछन् ।
प्रोजेक्टर लगायत आधुनिक शैक्षिक सामग्रीबाट अध्यापन, उत्कृष्ट पुस्तकालयको व्यबस्था, दक्ष एवम् अनुभवि प्रशिक्षकद्धारा अध्यापन, पुराना तथा बाहिरि जिल्लाबाट आएका विद्यार्थीहरुलाई विशेष छुट लगायतका विशेषताहरुले भरिपुर्ण यस संस्थामा अध्यापन गर्न ईच्छुक विद्यार्थीहरुको संख्या दिनानुदिन बढिरहेको पाईन्छ ।
