बुटवल , २०७७ फागुन २७। बुटवलको मिलनचोकमा रहेको दियालो फूडल्याण्डमा गएको राति आगलागी भएको छ । फूडल्याण्डको दास्रो तलामा आगलागी हुदा त्यहा भएका सम्पुर्ण सामान जलेर नष्टभएको तर मानविय क्षेति भने केही नभएको प्रहरीले जनाएको छ । बुटवल–८ मिलनचोकमा रहेको फूडल्याण्डमा आगलागी हुँदा करिब डेढ करोडको क्षति भएको प्रराम्भिक अनुमान गरिएको छ ।

रातीको करिब साढे १ बजेदेखि लागेको आगो एक घण्टा बढी समय लगाएर नियन्त्रणमा लिइएको थियो । आगो नियन्त्रणका लागि बुटवल उपमहानगर, तिलोत्तमा, सैनामैना, सुद्धोधन, भैरहवा लगायतका गरी ४ वटा दमकल प्रयोग गर्नुपरेको वडा प्रहरी कार्यालय बुटवल रामनगरका प्रहरी निरीक्षक गोविन्द रेग्मीले जानकारी दिए ।रेष्टुरेण्ट शाखाको माथिल्लो तला जलेर पूर्णरुपमा क्षति भएको र तल्लो तलामा सामान्य क्षति भएको फूडल्याण्डका सञ्चालक शंकर न्यौपानेले जानकारी दिनुभयो ।