गुल्मी २०७७ फागुन २७ । गुल्मीको रिडी रुद्रबेणी वामिटक्सर सडक खण्डको लागि १४ करोड बजेट बिनियोजन भएको छ । । सडक कालोपत्रे गर्न नेपाल सरकार भौतिक पूर्वाधार तथा यातायात मन्त्रालयबाट रकम बिनियोजन भएको हो ।
अति व्यस्त र पुरानो सडक भएपनि अझैसम्म सडक कालोपत्रे हुन सकेको छैन् । बुटवल पाल्पाबाट गुल्मी हुँदै बाग्लुङसम्म सवारी साधनहरु जाने भएकाले पनि यो सडक निकै व्यस्त सडक हो । पछिल्लो समयमा गरिएको बिनियोजित बजेटले सडक कालोपत्रे गर्ने पक्रिया अगाडी बढने भएको छ । सडक कालोपत्रे गर्न बजेटको व्यवस्था भएको र छिट्टै टेण्डर आह्वान हुने परराष्ट्रमन्त्री प्रदीप ज्ञवालीका स्वकीय सचिव जंग नेपालीले बताए ।
यहाको सडक निकै जोखिमपुर्ण छ ,वर्षमा भेरै मानिसले सडक दुर्घटनाबाट ज्यान गुमाउदै आएका छन ।। समयमै सडक कालोपत्रे गर्ने कार्य सम्पन्न भए गुल्मी र बाग्लुङ बासी प्रत्यक्ष रुपमा लाभाम्भित हुनेछन् ।
