बुटवल, २०७७ फागुन २९
लक्ष्मी पाण्डे
रुपन्देहीको तिलोत्तमा १० बेवरीमा आजदेखि ३ महिने सिलाइ कटाइ तालिम सुरु भएको छ । सिर्जनशिल आमा समुह बेवरीको आयोजना र तिलोत्तमा १० वडा कार्यलयको आर्थिक सहयोगमा तालिम सुरु भएको हो । कार्यक्रममा बोल्दैै तिलोत्तमा नगरपालिका वडा नं १० का वडाध्यक्ष व्यासमुनी चौधरीले तालिममा सिकेका कुरालाइ व्यबहारमा उतार्न आग्रह गर्नुभयो । उहाले सिलाइ कटाइ तालिमको दोस्रो चरण सञ्चालन गर्नका लागि आफुले पहल गर्ने दाबी गर्नुभयो । तिलोत्तमा १० ले विभिन्न विकास निर्माणका काम गरेको भन्दै वडालाइ नगरकै नमुना वडा बनाउने चौधरीले बताउनुभयो । उहाले वडाकै नमुना र पहिचानको रुपमा रहेको वेवरी ग्रीनपार्कलाइ पनि अझै व्यबस्थित ढङ्गले सञ्चालन गर्न आफु लागि पर्ने जानकारी दिनुभयो । कार्यक्रममा छत्तिस मौजा सिचाइ प्रणालीका सभापति कृष्ण पौडेलल तालिममा सिकेका कुरालाइ व्यवहारमा नउतारेसम्म सिकाइ उपलब्धी नहुने हुदा तालिममा सिकेका कुरा अनिवार्य रुपमा व्यवहारमा उतार्न आग्रह गर्नुभयो । संस्थाका अध्यक्ष सीता पौडेलको भएको कार्यक्रममा शान्तिनगर टोल विकास समितीका अध्यक्ष गोपाल प्रसाद घिमिरे ,संस्थाका सहसचिव देवी घिमिरे , गरिमा टोल विकास समितिका अध्२यक्ष कलम बहादुर चौधरी ,वेउरी ग्रीनपार्कका अध्यक्ष दिलसिङ पुन लगाएतले बोल्नुभएको थियो । कार्यक्रममा स्वागत मन्तव्य संस्थाकी उपाध्यक्ष अञ्जु पौडेलले गर्नुभएको थियो भने कार्यक्रमको सञ्चालन संस्थाकी सचिव अनिता बरालले गर्नुभभएको थियो ।