भैरहवा, चैत ७
रुपन्देहीको भैरहवामा हत्याको आरोपमा ४ जनालाई प्रहरीले पक्राउ गरेको छ । रुपन्देहीको सिद्धार्थनगर ९ निवासी घनश्याम कोइरीको हत्याको आरोपमा रूपन्देहीको सिद्धार्थनगर नगरपालिका ९ का १९ वर्षीय रहेमान अली, २६ वर्षीय सुनिल गुरुङ, २८ वर्षीय मुख्तार पठान र २१ वर्षीय धर्मराज अहिरलाई पक्राउ गरेको जिल्ला प्रहरी कार्यालय रुपन्देहीले जनाएको छ गत चैत्र २ गतेदेखि हराइरहेका कोइरीको चैत्र ५ गते ओमसतिया गाउँपालिका ४ पर्सौनीमा शव फेला परेको थियो ।
प्रहरी नायब उपरीक्षक सत्यनारायण थापाका अनुसार पक्राउ गरिएका व्यक्तिहरुले चैत २ गते घनश्यामलाई हातपात तथा कुटपिट गरेको पनि पुष्ठि भएको बताएका छन ।