बाणगंगाका प्रमुख प्रशासकीय अधिकृत डाँगीलाई विदाई

ByLumbini Darpan Online

१७ चैत्र २०७७, मंगलवार १४:०९ १७ चैत्र २०७७, मंगलवार १४:०९ १७ चैत्र २०७७, मंगलवार १४:०९

लुदअ कपिलवस्तु, चैत १७

कपिलवस्तुको बाणगंगा नगरपालिका प्रमुख प्रशासकीय अधिकृत गेहेन्द्र बहादुर डाँगीलाई विदाई गरिएको छ । आज एक कार्यक्रमका बिच नगरप्रमुख मंगलप्रसाद थारुले प्रमुख प्रशासकीय अधिकृत गेहेन्द्र बहादुर डाँगीलाई मायाको चिनो प्रदान गर्दै विदाई गर्नुभएको हो । विदाई कार्यक्रमलाई सम्बोधन गर्दै नगर प्रमुख मंगलप्रसाद थारुले यस बाणगंगा नगरपालिकाको प्रमुख प्रशासकीय अधिकृत भएर आएदेखिको समयबाट नै अधिकृत डाँगीले नगरको सम्पूर्ण कामकारवाहीलाई प्रभावकारी बनाउन महत्वपूर्ण भूमिका निर्वाह गरेको बताउनुभयो ।

कार्यक्रमका अध्यक्ष समेत रहेका नगरप्रमुख थारुले यसरी सरुवा भएर आएको केही समयमा नै अन्यत्र सरुवा हँुदा नगरका कामहरु केही प्रभावित समेत हुने गुनासो गर्नुभएको थियो । त्यस्तै कार्यक्रमलाई सम्बोधन गर्दै नगरका प्रवक्ता विष्णु पौडेलले प्रमुख प्रशासकीय अधिकृत डाँगीलाई थप शुभकामना दिदैं उहाँले नगरको विकासलाई एक सकारात्मक दिशातर्फ उन्मुख गर्न भूमिका खेलेको बताउनुभयो ।

प्रमुख प्रशासकीय अधिकृत गेहेन्द्र बहादुर डाँगीले कार्यक्रममा आफुले यस नगरमा सबैको साथ र सहयोग हासिल गर्दै कामलाई अगाडि बढाएको बताउनुभएको थियो । उहाँले आगामी दिनमा नगरको थप विकासका गतिविधि तीब्र गतिमा चलायमान हुने विश्वास व्यक्त गर्नुभयो । कार्यक्रममा वडा १, २, ५, ७, ९ र वडा नम्बर १० का वडाध्यक्षहरुको पनि उपस्थिति रहेको थियो ।

कार्यक्रम शिक्षा शाखा प्रमुख उपसचिव बाबुराम भट्टराईको स्वागत मन्तव्य तथा शिक्षा अधिकृत खिम बहादुर जिसीको संचालनमा सम्पन्न भएको हो ।

Facebook Comments Box

Leave a Reply

Your email address will not be published. Required fields are marked *