हरि आचार्य, कपिलवस्तु
कपिलवस्तुको बाणगंगा नगरपालिकामा मोटरसाईकल र साईकल ठोक्किदा २ जना गम्भिर घाईते भएका छन् । वाणगंगा नगरपालिका ११ ओदारीमा नम्बर पहिचान नभएको मोटरसाईकल र साईकल ठोक्किदा मोटरसाईकल चालक र साईकल यात्री दुवै गम्भिर घाईते भएका हुन् ।
घााईते हुनेमा मोटरसाईकल चालक कपिलवस्तु नगरपालिका वडा नं. ६ निवासी महम्मद निसार र साईकल यात्री शुद्धोधन गाउँपालिका वडा नं. १ निवासी सुर्य थारु रहेका छन् । ओदारीमा दुर्घट्ना हुनासाथ ईलाका प्रहरी कार्यालय पिपराको टोलिले घाईते दुवैलाई सामुदायिक अस्पताल चार नम्बरमा ल्याएको थियो ।
त्यहाँ सामान्य उपचार पछि एम्बुलेन्स मार्फत बुटवल रिफर गरिएको प्रहरीले जानकारी दिएको छ । दुवैलाई टाउको, हात खुट्टामा चोट लागेको छ भने दुवैको अवस्था गम्भिर रहेको छ । घाईतेको परिवारलाई पनि प्रहरीले जानकारी दिईसकेको छ ।
प्रकाशित : २०७७ चैत्र १९, बिहीबार १५:५४
