काठमाडौं, बैशाख ३
नेपालमा आज ९०० जना कोरोना भाइरसका बिरामी थपिएका छन । पछिल्लो २४ घण्टामा ६ हजार १५८ जनामा परिक्षण गर्दा ९०० जनामा संक्रमण देखिएको र यससँगै कुल संक्रमितको संख्या २ लाख ८२ हजार ८९० पुगेकोस्वास्थ्य तथा जनसंख्या मन्त्रालयले जनाएको छ।

यस्तै आज २०८ जना कोरोना संक्रमणबाट मुक्त भएका छन । योसँगै कोरोनाबाट मुक्त हुनेको संख्या २ लाख ७४ हजार ८१२ पुगेको छ स्वास्थ्य मन्त्रालयले जनाएको छ । आज ४ जनाको मृत्यु भएसँगै कोरोनाबाट मृत्यु हुनेको कुलसंख्या ३ हजार ७० पुगेको छ। नेपालमा अब सक्रिय कोरोना संक्रममितको संख्या ५ हजार ८ रहेको छ ।