बैशाख १०, गुलाम अली ।
बिश्व महामारीका रुपमा फैलिएको कोरोना भाईरस संक्रमण उच्च रहेको कपिलबस्तु जिल्लामा दिन प्रतिदिन कोरोना भाईरसको संक्रमणका बिरामी बढेपछि एक साताको लागि महाराजगन्ज नगरपालिका बन्द गरिएको छ । महामारीको रुपमा फैलिएको कोरोना भाईरस संक्रमण बढी रहेकोले रोकथाम गर्ने उद्देश्यले कार्यालय बन्द गर्न लागिएको नगरपालिकाले जनाएको छ ।

नगरपालिकाका केही कर्मचारीहरुमा समेत कोरोना संक्रमण पुष्टि भएकोले नगरपालिका बन्द गरिएको जनाइएको छ । महाराजगन्ज नगरपालिका नगर कार्यापालिकाको आज बसेको बैठकले बैशाख १० गते देखि बैशाख १७ गते सम्म नगरपालिका बन्द रहने सुचना प्रकाशन गरेको छ ।
नगरपालिका भित्रका स्वास्थ्य शाखा र अत्यावश्यक सेवाहरु बाहेक नगरपालिकाको अन्य सेबाहरु बन्द रहेको महराजगन्ज नगरपालिका नगर प्रमुख अब्दुल कलाम र प्रमुख प्रशासकीय अधिकृत बेद प्रसाद खरेलले हस्ताक्षर गरेको सुचना उल्लेख गरिएको छ । सबै वडा कार्यालहरु र सबै स्वास्थ्य संंस्थाहरु यथावत रुपमा सन्चालन नहुने नगरपालिका सूचना अधिकारी बृजेश चौधरीले बताए ।