क्रेता र बिक्रेता बिच संजाल गठनका लागि छलफल

ByLumbini Darpan Online

१२ बैशाख २०७८, आईतवार १४:०५ १२ बैशाख २०७८, आईतवार १४:०५ १२ बैशाख २०७८, आईतवार १४:०५

पार्बती आचार्य, कपिलबस्तु
अत्याधिक रासायनिक मल र किटनासक बिषादीको प्रयोगबाट उत्पादित तरकारीले मानवको स्वास्थ्यमा क्षेती पुराउने भएको हुँदा सोबाट हुने असरलाई न्युनिकरण गर्नकालागि क्रेता र बिक्रेता बिच छलफल गरिएको छ ।

सो कार्याक्रम ०७८ असार मसान्त सम्म संचालन हुने छ । समूहका सदस्यहरुका लागि कृषि कार्यमा संलग्न गराई आर्थिक सशक्ति करण गर्ने उद्देश्यका साथ उक्त कार्यक्रमको आयोजना गरिएको सिद्धार्थ सामाजिक बिकास केन्द्रका कार्य समिती सदस्य तथा कृषि प्राबिधिक चेतना अधिकारीले जानकारी दिईन् ।

समूह द्वारा उत्पादित भएको अर्गानिक तरकारी र मानव जिवनमा स्वस्थ्य तरकारी सेवनबाट हुने फाईदालाई बिस्तारिकरण गर्ने उद्देश्यका साथ एक दिवसिय क्रेता र बिक्रेता बिच संजालिकरणका लागि समूहका सदस्य तथा पदाधिकारीहरु, उपभोक्ताहरु र स्थानिय ब्यापारीहरु बिच छलफल गरिएको समुहका सचिव लक्ष्मी अधिकारीले बताईन् ।

यसैगरी कार्यक्रमका प्रमुख अतिथि तथा वडा नं. २ का वडा अध्यक्ष बिष्णु प्रसाद पौडेलले कृषि क्षेत्रमा अगाडि बढ्न खोज्ने कृषि ब्यबसायीहरुलाई वडाको साथ र सहयोग रहने प्रतिबद्धता जनाए ।

सो कार्यक्रम समूहका अध्यक्ष हुमा पुनको अध्यक्षतामा वडा नं. २ का वडा अध्यक्ष बिष्णु पौडेलको प्रमुख आतिथ्यतामा वडा सदस्य हुमलाल घिमिरे , आयोजक संस्थाका अध्यक्ष तेज प्रसाद आचार्य , मिर्मिरे बचत तथा ऋण सहकारी संस्थाका अध्यक्ष शान्ता पाण्डे , आयोजक संस्थाका कोषाध्यक्ष हरिलाल शर्मा लगाएतको आतिथ्यता रहेको थियो ।

उक्त कार्यक्रममा बोल्ले बक्ताहरुले समूहलाई क्रियाशिल भएर अर्गानिक तरकारी खेतीलाई सक्रिय रुपमा अगाडि बढाउने बिषयमा जोड दिएका थिए ।

कार्यक्रम बाणगंगा नगरपालिका र सिद्धार्थ सामाजिक बिकास केन्द्रको संयुक्त साँझेदारीमा संचालित “स्वास्थ्य जिबनको लागि प्राङ्गारिक खेती प्रबद्र्धन कार्यक्रम वडा नं. २ को समन्वयमा गोबडिहवा ज्योति महिला कृषक समूहमा संचालन भएको छ ।

Facebook Comments Box

Leave a Reply

Your email address will not be published. Required fields are marked *