बैशाख १३
गण्डकी प्रदेशमा कोरोना संक्रमणका कारण थप चार जनाको ज्यान गएको छ । सोमबार कास्कीका २, स्याङ्जा र म्याग्दीका १ / १ जना संक्रमितको मृत्यु भएको गण्डकी प्रदेश स्वास्थ्य निर्देशनालयले जानकारी दिएको छ।सोमबार लुम्बिनी मेडिकल कलेज पाल्पामा स्याङजा वालिङ १२ का ५८ वर्षीय पुरुषको ज्यान गएको छ । उनलाई बैशाख ११ गते कोरोना पुष्टि भएको थियो।
यस्तै म्याग्दी रघुगंगा गाउँपालिका ३ का ७८ वर्षीय पुरुषको सोमबार विहान ३स्१५ बजे मणिपाल शिक्षण अस्पताल पोखरामा मृत्यु भएको हो।
उनलाई वैशाख १२ गते कोरोना देखिएको थियो।अर्का मृतकमा पोखरा महानगरपालिका २५ का ९१ वर्षीया पुरुष छन्। वैशाख ७ गते कोरोना पुष्टि भएका उनको आज विहान ५स्४९ बजे मेडिप्लस अस्पताल पोखरामा निधन भएको हो।
त्यस्तै पोखरा १ कि ५५ वर्षीया महिलाको आज दिउँसो १२स्५४ मा मेडिप्लस अस्पतालमा निधन भएको गण्डकी प्रदेश कोरोना नियन्त्रण तथा रोकथाम कार्यक्रमका निर्देशक डा। विनोद विन्दु शर्माले बताए ।मृतकमा बैशाख ११ गते कोरोना पुष्टि भएको थियो। यो सँगै गण्डकी प्रदेशमा कोरोना संक्रमणबाट ज्यान जानेको संख्या २ सय १५ पुगेको छ।
