बुटवल, बैशाख १६
कोरोना संक्रमणबाट रुपन्देहीका थप तीन जनाको उपचारको क्रममा ज्यान गएको छ । बुटवलका दुई पुरुष र मायादेवी गाउँपालिकाकी एक महिलाको बुटवल धागो कारखानामा सञ्चालित कोरोना विशेष अस्थायी अस्पतालमा आज बिहान ज्यान गएको हो ।

बुटवल–११ का पुरुषमा वैशाख ८ गते कोरोना संक्रमण पुष्टि भएपछि र सोही दिन अस्पताल भर्ना गरिएको थियो । बुटवल–१४ का पुरुषमा वैशाख ९ गते कोरोना संक्रमण पुष्टि भएको थियो । उनी पनि सोही दिन अस्पताल भर्ना भएका थिए । यसैगरी मायादेवीकी महिलामा वैशाख १० गते कोरोना संक्रमण पुष्टि भएकामा ११ गते अस्पताल भर्ना गरिएको थियो । योसगैँ रुपन्देहीमा कोरोना संक्रमणबाट ज्यान जानेको संख्या १८४ पुगेको स्वास्थ्य कार्यालय रुपन्देहीले जनाएको छ ।