अनिता क्षेत्री, कपिलवस्तु
एभरेष्ट बैंक लिमिटेडले विभिन्न पाँच ठाउँमा एकसाथ नयाँ शाखा संचालनमा ल्याएको छ । यससँगै बैंकका देशभर ११० शाखा पुगेका छन् ।
नयाँ थपिएकामध्ये बैंकले लुम्बिनीको खैरेनी, योगिकुटि र मणिग्राम शाखाको उद्घाटन फाल्गुण १ मा तथा जितपुर र मुर्गियाको फागुन २ मा उद्घाटन गरेको जनाएको छ ।
पाँचवटै शाखाको उद्घाटन एभरेष्ट बैंकका प्रमुख कार्यकारी अधिकृत सुदेश खालिङ र सम्बन्धित वडाका वडाध्यक्षहरुबाट संयुक्त रुपमा भएको थियो । शाखा उद्घाटनका क्रममा बैंकका प्रमुख कार्यकारी अधिकृत खालिङले लुम्बिनी प्रदेशबासीलाई अत्याधुनिक र गुणस्तरीय बैंकिङ्ग सेवा प्रदान गराउने आश्वासन दिएका छन् ।
यसैबिच कपिलवस्तुको चार नम्बर जितपुरमा पनि शाखा कार्यालय उद्घाटन भएको छ ।
वडा नं. ४ का वडाध्यक्ष गणेश बहादुर क्षेत्री र बैंकका प्रमुख कार्यकारी अधिकृत सुदेश खालिङ संयुक्त रुपमा उद्घाटन गरेका हुन् । जितपुरमा शाखा खुलेसंगै अब यस क्षेत्रका नागरिकहरु सेवाका लागि बुटवल र चन्द्रौटा जान नपर्ने भएको छ ।
यस बैंकका हालसम्म करिब १२ लाख ग्राहक पुगेको दाबी गरिएको छ । शाखा संजालबाहेक पनि प्रादेशिक कार्यालय, ३१ राजस्व संकलन काउन्टर, १४३ एटीएम सहित विश्वव्यापी नेटवर्कबाट अत्याधुनिक मोबाइल, इन्टरनेट, एस.एम.एस.बैंकिङ लगायतका सुविधा दिँदै आएको बैंकले विज्ञप्तिमा जनाएको छ ।
