लुदअ, कपिलवस्तु
कपिलवस्तुको बाणगंगा नगरपालिका खानेपानीको विषयप्रति उत्तरदायी नभएको खानेपानी उपभोक्ता समितिहरुले आरोप लगाएका छन् । बाणगंगाका प्रमुख प्रशासकिय अधिकृत टेकराज पन्थीले नगरपालिकाको भवमा गर्नुभएको परिचय तथा छलफल कार्यक्रममा खानेपानी उपभोक्ता समितिहरुले यस्तो आरोप लगाएका हुन् । नगरपालिकोले खानेपानी उपभोक्ता समितिहरुसंग समन्वय गर्नुपर्ने आवश्यकता रहेको बताउँदै समितिका पदाधिकारीहरुले आफुहरुले तत्परताका साथ जनतालाई शुद्ध खानेपानी उपलब्ध गराउँदै आएको बताएका छन् ।
छलफलमा बाणगंगा गजेहडा भूपू सैनिक खानेपानि तथा सरसफाई उपभोत्ता समितिका अध्यक्ष राजेन्द्र बिक्रम शाहले जिल्लाका अन्य पालिकाहरुमा झाडापखला रोग फौलिदाँ बाणगंगाका नागरिक सचेत भएकाले प्रकोपबाट बच्न सकिएको बताउनु भयोे । बाणगंगामा भएको एउटा प्रयोगशालालाई पनि नगरपालिकाले चासो नदिएको उहाँको दुखेसो छ ।
यस्तै बाणगंगा खानेपानी तथा उपभोत्ता समितिका अध्यक्ष विश्व कार्कीले बाणगंगामा भएका खोला वारीका खानेपानीहरु र खोला पारीका खानेपानीहरुलाई मर्च गरेर संस्थागत बनाउन लाग्न नगरपालिकालाई सुझाव दिनुभयो । उहाँले नगपालिकाले बाटो विस्तार गर्दा खानेपानीका पाईप लाईनको ख्याल नगर्दा त्यसको प्रत्यक्ष असर उपभोक्ता तथा संस्थालाई परेको बताउनु भयो । त्यस्तै बाणगंगाका केहि ठाँउमा जनचेतनाको अझै कमि देखिएकाले खानेपानी धारा जडानमा कठिनाई आएको उपभोत्ता समितिहरुले गुनासो राखेका छन् । छलफलमा बाणगंगा भित्रका सबै खानेपानीका पदाधिकारीले आ–आफ्ना गुनासो तथा सुझाव पेस गरेका थिए ।
यस्तै बाणगंगा नगरपालिकाका उपप्रमुख चक्रपाणी अर्यालले बाणगंगाका जनतालाई शुद्ध खानेपानिको समुचित व्यवस्था छिटै हुने बताउनु भएको छ । उहाँले उपभोत्ता समिति र नगरको सहकार्यमा खानेपानीको शुद्धता जाँच र प्रविधिको विकासका लागि नगरपालिकाले क्रमश वृद्धि गर्दै लैजाने बताउनु भएको छ ।
प्रमुख प्रशासकिय अधिकृत टेकराज पन्थीले नगरका जनतालाई शुद्ध खानेपानीको पहुँचमा पु¥याउने दायित्व नगरपालिकाले बहन गर्ने दाबी गर्नुभएको छ । अहिलेसम्म जेभएता पनि आगामि दिनको जिम्मा आफुहरुले लिने बताउँदै नगरवासीलाई खानेपानि तथा सरसफाई उपभोत्ता समितिसंग समन्वय गरि शुद्ध खानेपानी उपलब्ध गराउने जिकीर गर्नुभयो ।
