हरि आचार्य, कपिलवस्तु
पछिल्लो समय ई–सेवा प्रयोग गर्नेको संख्या ह्वात्तै बढेको छ । हरेक कारोवारमा सहज र शिघ्रता ल्याउनका लागि ई–सेवाको ठुलो भुमिका रहेको ई–सेवा कपिलवस्तुका प्रमुख खिम क्षेत्रीले बताउनुभएको छ ।
ई–सेवाको प्रयोग बढिरहदा अब स्वास्थ्य क्षेत्रमा समेत यसको प्रयोग हुने भएको छ । कपिलवस्तुमै पहिलो पटक चार नम्बर जितपुर स्थित चन्द पोलिक्लिनिक स्वास्थ्य सेवा लिन आउने उपभोक्ताले पनि ई–सेवाबाट रकम भुक्तानी गर्न पाउने भएका छन् । जस्ले गर्दा विशेष गरि विशेषज्ञ डाक्टरबाट स्वास्थ्य सेवा पाउनका लागि पहिलेनै अस्पतालमा आई लाईन बस्नुपर्ने बाध्यताको अन्त्य भएको छ ।
जसका लागि ई–सेवा कपिलवस्तुका प्रमुख खिम क्षेत्री र चन्द पोलिक्लिनिकका प्रमुख डा. दिपेन्द्र चन्दबीच सम्झौता भएको छ ।
अब अस्पतालमा हुने हरेक कारोवार अब ई–सेवाबाट गर्न सकिने भएकाले घरमै बसी टिकट काट्न सकिने भएकाले अब यस क्षेत्रका स्थानीयलाई सहज हुने भएको छ ।
ई–सेवाबाट मोवाईल टपअप, ईन्टरनेट अर्थात टिभि पेमेण्ट, आन्तरिक तथा बाह्रय उडान टिकट, रेमिट्यान्स, ईन्स्योरेन्स, खानेपानी, विद्युत विल, एजुकेशन शुल्क पेमेण्ट, क्यु आर पेमेन्ट, बैंक ट्रान्सफर्म, ब्रोकर पेमेण्ट, एरलाईन्स मर्सेन्ट टपअप, क्यास ईन. लगायतका विभिन्न कारोबार गर्न सकिने बताईएको छ ।
