लुदस कपिलवस्तु । कपिलवस्तुको बाणगंगा नगरपालिका वडा नं. ६ मा नेकपा एमालेबाट वडाध्यक्ष पदका उम्मेद्वार सुकदेव चौधरीको नेतृत्वमा रहेको प्यानलनै जित्ने गरि सक्रिय रुपमा लागेको छ । यस अघिको स्थानीय तहको निर्वाचनमा निर्वाचित वडाध्यक्ष चौधरीलाई नै यस पटक पनि एमालेको तर्फबाट वडाध्यक्षको उम्मेद्वार बनाएको छ । त्यस्तै सदस्यमा रण बहादुर काउचा, महिला वडा सदस्यमा शान्ता खनाल, दलित महिला सदस्य मीना बि.क. र सदस्यमा कृष्ण प्रसाद पौडेलको टिम चुनावी मैदानमा उत्रदै छ ।
वडाध्यक्षको उम्मेद्वार चौधरी एक कार्यकाल जनताको सेवा गरेकाले पनि वडामा लोकप्रिय व्यक्तिकोे रुपमा चिनिएका छन् । पार्टीले टिकट दिएपछि उनले अब जित हासिल गर्दैै वडा नम्बर ६ लाई जिल्लाकै समृद्ध वडा बनाउने बताए । उनले निर्वाचनमा आफुलाई अत्याधिक मतका साथ बिजय गराउनका लागी सम्पुर्ण वडावाासिमा आग्रह गरेका छन् ।
वडामा जित हासिल गर्न सफल भएमा वडालाई भ्रष्टाचार मुक्त वडा बनाउँदै जनतालाई शुसासनको प्रत्याभूति दिलाउने प्रतिबद्धता ब्यक्त गरेका छन् । त्यस्तै वडासदस्यमा युवाहरुका लोकप्रिय नेता तथा लक्ष्मणघाट सामाजिक विकास केन्द्रका पुर्व अध्यक्ष रण बहादुर काउचा, महिला अगुवा शान्ता खनाल लगायत सदस्यमा सबै सक्रिय र सक्षम व्यक्तिहरुले उम्मेद्वारी दिएकाले वडाध्यक्ष सहित प्यानलकै जित हुने अनुमान गरिएको छ ।
