लुदअ, कपिलवस्तु
कपिलवस्तु जिल्लाको मायादेवी गाउँ पालिका फुलिका स्तिथ बर्रोहिया पचेहरा भित्री सडक खण्डमा सवारी दुर्घटनामा १जनाको मृत्यु भएको छ । मोटरसाईकल एक आपसमा ठक्कर खांदा मृत्यु भएको हो।
पकडीबाट पचेहरा तर्फ जादै गरेको लु ७७ प ३०४६ नं. को स्कुटी र बिपरीत दिशाबाट आउँदै गरेको लु २६ प ७७४५ नम्बर को मोटरसाईकल एक आपसमा ठक्कर खाएका थिए।
उक्त दुर्घटनामा मोटरसाइकल चालक वाणगंगा ४ हरिहरपुर बस्ने वर्ष ५१ कका हरि बिक्रम शाहीको मृत्यु भएको हो ।
टाउकोमा गम्भिर चोट लागेका शाहीको मेडिकल कलेज भैरहवा उपचारको क्रममा मृत्यु भएको जनाईएको छ ।
स्कुटी चालक रुपन्देही सिदार्थ नगरपालिका ६ बैंक कलौनी बस्ने वर्ष ५९ को पल्टन चौहान भने घाईते भएका छन । उनको दुबै हात, दुवै खुट्टा, टाउकोमा चोट लागेको उनकी सोही स्कुटीमा पछाडी सवार श्रीमती वर्ष ४८ की गिता चौहानको शरिरमा पनि चोट लागेको प्रहरीले जनाएको छ ।
दुबैको मेडिकल कलेज भैरहवामा उपचार भई रहेको कपिलवस्तु प्रहरीले जनाएको छ ।
