लुदस, कपिलवस्तु
शिक्षाका लागि राष्ट्रिय अभियान नेपाल –एन सि ई नेपालको वार्षिक साधारण सभा तथा अधिवेशन बाणगंगा नगरपालिकाको ४ न. स्थित सिद्धार्थ सामाजिक बिकास केन्द्रको सभा हलमा सम्पन्न गरेको छ । सो कार्यक्रममा शिक्षाका लागि राष्ट्रिय अभियान नेपाल जिल्लाका संयोजक हरि अधिकारीले प्रस्तुत गरेको बार्षिक प्रतिवेदन सर्वसम्मतिबाट पारित गरेको छ ।
साथै अधिवेशनबाट एन सि इ नेपाल शिक्षाका लागि राष्ट्रिय अभियान नेपाल कपिलवस्तुको संयोजकमा सिद्धार्थ सामाजिक विकास केन्द्रका बाबुराम रायमाझी सह संयोजकमा दलित सामाजिक विकास केन्द्रका राम शरन रैदास सचिवमा घरघरमा शिक्षा तथा आत्मनिर्भर बिकास संस्थाका दुर्गा अर्याल कोषाध्यक्षमा सहज नेपालमा गीता पौडेल रहनु भएको छ भने अन्य सदस्यमा रहनु भएको छ ।
साथै एन सि इ नेपालको यहि भाद्र २३ र २४ गते काठमाण्डौमा सम्पन्न हुने १३ औ वार्षिक साधारण सभा तथा ७ औ अधिवेशनका लागि यस कपिलवस्तु जिल्लाबाट २ जना प्रतिनिधी पठाउने निर्णय गरेको छ । शिक्षाका लागि राष्ट्रिय अभियान नेपाल –एन सि ई नेपालले सार्वजनिक शिक्षा सुदृढिकरण, गुणस्तरीय शिक्षाको वकालत, बाल अधिकारको संरक्षण लगायतको क्षेत्रमा सचेतना पैरवी गर्ने गर्दछ ।
