अपांगता भएका महिला तथा बालिका बिरुद्ध  हुने हिंसा न्युनीकरण सम्बन्धी अभिमुखीकरण कार्यक्रम तिलोत्तमामा सम्पन्न भएको छ ।तिलोत्तमा नगरपालिकाको आयोजना ,नेपाल अपांग महिला संघ ,तथा अपांग महिला संघ रुपन्देहीको सहयोगमा एक दिवसीय अभिमुखीकरण कार्यक्रम सम्पन्न भएको हो ।

कार्यक्रममा बोल्दैे तिलोत्तमा नगरपालिकाकी नगर उप प्रमुख जागेश्वरदेवि चौधरीले अपांगता भएका व्यक्तीहरुको हक र अधिकारका लागि काम गर्न तिलोत्तमा नगरपालिका सधै सकरात्मक रहेको बताउनुभयो । पहिले पहिले बनेका संरचना अपांगतामैत्री नभएतापनि अहिले बन्दै गरेका संरचना अपांगता मैत्री बनेको बताउनुभयो । अपांगता भएका व्यक्तीलाई अपांगता प।िचयपत्र वितरण गर्दै गर्दा दया ,माया र पहुचँका आधारमा नगरेर नियम र कानुनको धरातलमा टेकेर गर्नुपर्ने कुरामा जोड दिनुभयो । अपांगता भएका व्यक्तीमाथि गरिने व्यवहार सचेतनाको कमिले गर्दा भएको गुनासो व्यक्त गर्नुभयो

कार्यक्रममा बोल्दै तिलोत्तमा नगरपालिकाक वडा नम्बर ६ का वडाध्यक्ष गणेश पाठकले अपांगता भएका व्यक्तीको हक हितमा काम गर्न आप्नो वडाबाट नै एक कर्मचारी खटाएर  काम सुरुवात गरेको बताउनुभयो ।

महिला संघ रुपन्देहीकी अध्यक्ष कल्पना ढकालल अपांगताको वर्गीकररण , सामाजिक सुरक्षा , अपांगता भएका महिला तथा बालबालिकाको अवस्था लगाएका विषयमा सहजीकरण गर्नुभएको थियो ।

कार्यक्रममा तिलोत्तमा नगरपालिकाका प्रशाशकिय अधिकृत नारायण अर्याल,विभिन्न कर्मचारी  , तिलोत्तमा नगरपालिकाका विभिन्न वडाका वडाध्यक्ष , विभिन्न सरोकारवाला व्यक्तीहरुको उपस्थितमा कार्यक्रम सम्पन्न भएको थियो ।