लुदअ,जितपुर । मृगौला पिडित ठागे प्रसाद थारुलाई सहयोग रकम हस्तान्तरण गरिएको छ । अमौली,भगलापुर,लक्ष्मणघाटका १६१ घरबाट संकलित नगद २९ हजार १ सय ५५ रुपैया बुधबार एक कार्यक्रमका विच हस्तान्तरण गरिएको हो । बाणगंगा नगरपालिका वडा नं ६ अमौली निवासी दुवै मृगौला फेल भई उपचारको क्रममा रहेका थारुलाई सो नगद रकम हस्तान्तरण गरिएको सहयोग समितिकी सदस्य सृजना अधिकारीले बताइन् ।
सहयोग समितिका संयोजक सरस्वती गैरेको समन्वयमा सृजना अधिकारी,बसन्ती खनाल,मिना खनाल,दुर्गा गैरे,सीता गौतम लगायतका महिलाहरुको सक्रियतामा सो रकम संकलन गरिएको संयोजक गैरेले बताइन् । समितिले बाँकी रहेका वडा,संघसंस्था,बिद्यालय,बन समिति सँग समन्वय गरेर थप सहयोग रकम संकलन गर्ने योजना रहेको सदस्य दुर्गा गैरेले बताइन् । मृगौला पिडित थारुको बारेमा अनलाइनमा समाचार प्रकाशित भएपछी आफन्त टोल छिमेकबाट पनी सहयोग रकम आईरहेको दाजु प्रसादे थारुले बताए ।
सहयोग रकम हस्तान्तरण कार्यक्रममा पत्रकार थानेश्वर अधिकारी, समाजसेवी ठाकुर प्रसाद पोख्रेल, रिषिराम गैरे,लिला खनाल,बिमला पौडेल लगायतको उपस्थिती रहेको थियो ।
